काठमाडाैं । मंंसिर ४ गते सम्पन्न भएको प्रतिनिधिसभा सदस्य निर्वाचन अन्तगर्त प्रत्यक्ष तर्फ १६५ निर्वाचन क्षेत्रमध्ये अहिलेसम्म १२९ क्षेत्रको अन्तिम मत परिणाम सार्वजनिक भएको छ ।

एक सय २९ क्षेत्रको मत परिणाम सार्वजनिक हुँदा सत्ता गठबन्धनको नेतृत्व गरिरहेको नेपाली कांग्रेस ४४ सिटमा जीत हासिल गर्दै पहिलो दल बनेको छ । मुस्ताङबाट विजयी यात्रा सुरु गरेको कांग्रेसले शुक्रबार बिहान सम्ममा देशभरका ४४ क्षेत्रमा विजय प्राप्त गर्न सफल भएको छ भने १० क्षेत्रमा अग्रता बढाईरहेको छ ।

अहिलेसम्म एमाले प्रतिनिधिसभाका ३४ क्षेत्रमा विजयी हुँदा माओवादी केन्द्रले १२ सिटमा जीत हासिल गरेको छ । त्यसैगरी माधव नेपाल नेतृत्वको नेकपा एकीकृत समाजवादीले देशका १० क्षेत्रमा जीत निकालेको छ । निर्वाचनको संघारमा गठन भएर संसदीय चुनावमा सहभागी भएको पूर्व सञ्चारकर्मी रवि लामिछाने नेतृत्वको राष्ट्रिय स्वतन्त्र पार्टीका उम्मेदवार ७ स्थानमा विजयी भएका छन् ।

एमालेसँग चुनावी तालमेल गरेर चुनावी प्रतिष्पर्धामा उत्रिएको राष्ट्रिय प्रजातन्त्र पार्टी (राप्रपा) ५ र जनता समाजवादी पार्टी (जसपा)का उम्मेदवार ३ क्षेत्रमा विजयी भएका छन्। ५ दलिय सत्ता गठबन्धको अर्को घटक लोकतान्त्रिक समाजवादी पार्टी (लोसपा) ले दुई क्षेत्रमा जीत निकालेको छ ।

गत वैशाखमा सम्पन्न स्थानीय तह निर्वाचन अघि निर्वाचन आयोगमा दर्ता भएको नागरिक उन्मुक्ति पार्टीले २, मुलुक विखण्डनको मुद्दा छाडेर मुलधारको राजनीतिमा आएको जनमत पार्टी, नेपाल मजदुर किसान पार्टी (नेमकिपा) र राष्ट्रिय जनमोर्चाले प्रतिनिधिसभाका १–१ सिटमा जीत दर्ता गरेका छन् । हालसम्म मतगणना सम्पन्न भएका क्षेत्रमध्ये ५ प्रतिनिधिसभा निर्वाचन क्षेत्रबाट स्वतन्त्र उम्मेदवार विजयी भएका छन्।

प्रतिनिधिसभा सदस्यमानिर्वाचितहरुको नामावली
नेपाली कांग्रेस
(१) मुस्ताङ– योगेश शेरचन
(२) मनाङ– टेकबहादुर गुरुङ
(३) काठमाडौं १ – प्रकाशमान सिंह
(४) काठमाडौं ३ – सन्तोष चालिसे
(५) काठमाडौं ४– गगनकुमार थापा
(६) काठमाडौं ५ – प्रदीप पौडेल
(७) रसुवा– मोहन आचार्य
(८) ललितपुर १– उदय शमशेर जबरा
( ९) तनहुँ २ – शंकर भण्डारी
(१०) डडेल्धुरा– शेरबहादुर देउवा
(११) काठमाडौं १० – राजेन्द्रकुमार केसी
(१२) पर्सा ४ – रमेशकुमार रिजाल
(१३) सुर्खेत २ – हृदयराम थानी
(१४) ओखलढुंगा– रामहरि खतिवडा
(१५) झापा १– विश्वप्रकाश शर्मा
(१६) पर्सा १– अजयकुमार चौरसिया
(१७) गोरखा १– राजेन्द्र बजगाँई
(१८) म्याग्दी– खमबहादुर गर्बुजा
(१९) अछाम २ – पुष्पबहादुर शाह
(२०) कैलाली ४ – वीरबहादुर बलायर
(२१)दार्चुला – दिलेन्द्र प्रसाद बडू
(२२) कञ्चनपुर ३ – रमेश लेखक
(२३) कञ्चनपुर २– एनपी साउद
(२४) सिन्धुपाल्चोक २ – मोहनबहादुर बस्नेत
(२५) दैलेख २ – दिक्पालकुमार शाही
(२६) भक्तपुर २ – दुर्लभ थापा
(२७) नवलपरासीपूर्व १ – शशांक कोइराला
(२८) तनहुँ १ – रामचन्द्र पौडेल 
(२९) बाँके ३ – किशोरसिंह राठोर
(३०) रौतहट ४ – देवप्रकाश तिमल्सिना
(३१)नवलपुर २ – विष्णुकुमार कार्की
(३२) सप्तरी ३ – दिनेश यादव
(३३) धादिङ २ – रामनाथ अधिकारी 
(३४) सुर्खेत १ – पूर्णबहादुर खड्का
(३५) दाङ ३ – दीपकगिरी 
(३६) सिन्धुली १ – श्यामकुमार घिमिरे
(३७) बर्दिया १ – सञ्जयकुमार गौतम 
(३८) नवलपरासी (बर्दघाट सुस्तापश्चिम)– १ विनोद चौधरी 
(३९) धनुषा २ – रामकृष्ण यादव
(४०)मोरङ ६–  शेखर कोइराला

नेकपा एमाले
(१)उदयपुर २ – अम्बरबहादुर रायमाझी
(२) काठमाडौं ९ – कृष्णगोपाल श्रेष्ठ
(३) ललितपुर २– प्रेमबहादुर महर्जन
(४) गुल्मी २ – गोकर्ण विष्ट
(५) झापा २ – देवराज घिमिरे
(६) झापा ५ – केपीशर्मा ओली
(७) ताप्लेजुङ– योगेश भट्टराई
(८) पर्सा ३ – राजकुमार गुप्ता
(९) अर्घाखाँची – टोपबहादुर रायमाझी
(१०)  प्युठान – सूर्य थापा
(११) लमजुङ – पृथ्वीसुब्बा गुरुङ
(१२) मकवानपुर २ – महेश बर्तौला
(१३) सोलुखुम्बु – मानवीर राई 
(१४) पर्वत – पदमगिरी
(१५) झापा ४ – लालप्रसाद साँवा लिम्बु
(१६) रुपन्देही ५ – बासुदेव घिमिरे
(१७) धनकुटा – राजेन्द्रकुमार राई
(१८) कास्की २ – विद्या भट्टराई
(१९) सिरहा १ – रामशंकर यादव
(२०)बाँके १ – सूर्यप्रसाद ढकाल 
(२१) बैतडी – दामोदर भण्डारी 
(२२) कपिलवस्तु १ – बलराम अधिकारी
(२३) कञ्चनपुर १ – तारालामा तामाङ
(२४) पाँचथर – वशन्तकुमार नेम्वाङ
(२५) कास्की ३ – दामोदर पौडेल वैरागी
(२६) बारा ३ – ज्वालाकुमारी साह
(२७) धनुषा ३ – जुलीकुमारी महतो
(२८) बारा १ – अच्युतप्रसाद मैनाली
(२९) सर्लाही ३ – हरिप्रसाद उप्रेती

नेकपा माओवादी केन्द्र
(१)सिन्धुली २– लेखनाथ दाहाल
(२) सिन्धुपाल्चोक १ – माधव सापकोटा
(३) बाग्लुङ २ – देवेन्द्र पौडेल
(४) रोल्पा – वर्षमानपुन
(५) रुकुमपूर्व १ – पूर्णबहादुर घर्तीमगर
(६) जाजरकोट – शक्तिबहादुर बस्नेत
(७) गोरखा २ – पुष्पकमल दाहाल ‘प्रचण्ड’
(८) दाङ २ – रेखा शर्मा
(९) खोटाङ – रामकुमार राई
(१०) भोजपुर – सुदन किराती
(११) मोरङ ४ – अमनलाल मोदी
(१२) रुकुमपश्चिम – जनार्दन शर्मा 

नेकपा एकीकृत समाजवादी
(१) अछाम १ – शेरबहादुर कुँवर
(२) बारा ४ – कृष्णकुमार श्रेष्ठ
(३) बझाङ – भानुभक्त जोशी
(४) दैलेख १ – अमरबहादुर थापा
(५) डोटी – प्रेम आले
(६) सल्यान – प्रकाश ज्वाला
(७) रौतहट १ – माधवकुमार नेपाल
(८) डोल्पा – धनबहादुर बुढा 
(९) धादिङ १ – राजेन्द्र पाण्डे
(१०) दाङ १ – मेटमणि चौधरी 

राष्ट्रिय स्वतन्त्र पार्टी
(१) काठमाडौं ७ – गणेश पराजुली
(२) काठमाडौं ८ – विराजभक्त श्रेष्ठ
(३) काठमाडौं २ – सोविता गौतम
(४) काठमाडौं ६ – शिशिर खनाल
(५) चितवन २ – रवि लामिछाने 
(६) ललितपुर ३ – डा. तोसिमा कार्की
(७) चितवन १ – हरि ढकाल 

राष्ट्रिय प्रजातन्त्रपार्टी (राप्रपा)
(१)बाँके २ – धवलसमशेर जबरा
(२) जुम्ला – ज्ञानेन्द्रबहादुर शाही
(३) मकवानपुर १ – दीपकबहादुर सिंह
(४) झापा ३ – राजेन्द्र लिङ्देन
(५) नवलपरासी २ – ध्रुवबहादुर प्रधान

जनता समाजवादी पार्टी (जसपा)
(१)पर्सा १ – प्रदीप यादव
(२) सप्तरी १ –नवलकिशोर साह
(३) सिरहा ४ – वीरेन्द्र महतो

लोकतान्त्रिक समाजवादी पार्टी (लोसपा)
(१) रुपन्देही ४ – सर्वेन्द्रनाथ शुक्ला
(२) सर्लाही १ –  रामप्रकाश चौधरी

नागरिक उन्मुक्ति पार्टी
(१) कैलाली ३ – गंगाराम चौधरी
(२) कैलाली १ – रञ्जिता श्रेष्ठ

राष्ट्रिय जनमोर्चा
(१)बाग्लुङ – चित्रबहादुर केसी

नेपाल मजदुर किसान पार्टी (नेमकिपा)
(१)भक्तपुर १ –  प्रेम सुवाल

जनमत पार्टी 
(१) डा. सीके राउत

स्वतन्त्र
(१)बर्दिया २ – लालवीर चौधरी
(२) मोरङ ५ – योगेन्द्र मण्डल 
(३) रौतहट ३ – प्रभु साह
(४) सर्लाही ४ – अमरेशकुमार सिंह 
(५) रौतहट २ – किरणकुमार साह