काठमाडौं । मुगुको छायाँनाथ नगरपालिकामा गएको पहिरोमा परी आठ जनाको मृत्यु भएको छ । नगर उपप्रमुख ऐश्वर्य मल्लका अनुसार शनिबार राति वडा गएको पहिरोमा परी ८ जनाको मृत्यु भएको छ ।
उनका अनुसार पशुचौपायाँको पनि मृत्यु भएको छ । जसमध्ये वडा नम्बर ७ बाट करिब २५ मृत पशुचौपायाँ निकालिएको छ भने अन्यको खोजी कार्य भइरहेको छ ।
लगातार परेको वर्षाका कारण नगरबासी सञ्चार सञ्चार माध्यमबाट विच्छेद भएका बेला गएको पहिरोका कारण स्थानीय त्रसित भएको उनले बताइन् ।
पहिरोका कारण नगरपालिका सडक सञ्जालबाट पनि विच्छेद भएको उनको भनाइ छ । सञ्चार र सडक सञ्जाल अवरुद्ध हुँदा जिल्लाबाट उद्धारका लागि २४ घण्टापछि मात्रै सुरक्षाकर्मी घटनास्थल आइपुगेको उनले बताइन् । सुरक्षाकर्मीसहति करिब ४०० उद्धारकर्मीबाट उद्धार कार्य भइरहेको उनले बताइन् ।
पहिरोले धान, कोदो लगाएको उर्वर जग्गामा पनि पहिरोले क्षति पुर्याएको बताउँदै उनले धेरै घरमा बस्न नमिल्ने गरी क्षति पुगेको जानकारी दिइन् ।