काठमाडौं । आगामी बर्षको कार्यक्रम तर्जुमा गरेर ज्येष्ठ १० गतेभित्र पेश गरिसक्न काठमाडौँ महानगरपालिकाका प्रमुख प्रशासकीय अधिकृत बसन्त अधिकारीले विभागीय प्रमुखहरुलाई निर्देशन दिएका छन्। आइतबार काठमाडौं प्लाजामा बसेको सिनियर म्यानेजमेन्ट टीम ९एसएमटी० बैठकमा उनले, चालु आर्थिक बर्षको सिलिङ् नबढ्ने गरी, कार्यान्वयन योग्य कार्यक्रम तर्जुमा गर्न निर्देशन दिएका हुन्। काठमाडौं प्लाजामा बसेको यो पहिलो बैठक हो ।  

‘महानगर गौरवका योजना के हुन सक्छन्रु सोच र परिकल्पना पत्र निर्माण गर्नोस् ।’ अधिकारीले भने, ‘हामीले महानगर कस्तो बनाउन चाहेका छौँ । कार्यक्रमबाट देखिनु पर्छ । यी कार्यक्रम नागरिकसँग जोडिने खालका हुनुपर्छ । कार्यान्वयन योग्य हुनुपर्छ ।’

आर्थिक बर्ष २०८०/०८१ अधुरा योजना पूरा गर्ने बर्ष हुने र त्यसपछि कुनै पनि अधुरा योजना बाँकी नरहने गरी कार्यक्रम तर्जुमा गर्न उनले जोड दिए। 

महानगरका विभागहरु काठमाडौँ प्लाजामा सार्ने विषयले बैठकमा लामो समय लिएको थियो । अहिलेसम्ममा प्रमुख प्रशासकीय अधिकृतको कार्यकक्ष र सचिवालय, प्रशासन विभाग, सामाजिक विकास विभाग, स्वास्थ्य विभाग, कानुन तथा मानव अधिकार विभाग, विपद व्यवस्थापन विभाग, वातावरण व्यवस्थापन विभाग, आन्तरिक लेखा परीक्षण एकाइ, खरिद एकाइ प्लाजामा सरि सकेका छन् ।

अन्तरराष्ट्रिय सम्बन्ध सचिवालय जेठ ३ गतेभित्र, सहकारी विभाग जेठ ६ गतेभित्र, सहरी व्यवस्थापन विभाग जेठ ८ गतेभित्र प्लाजामा सरि सक्ने योजनामा छन् । 

‘कार्यालय सार्ने निहुँमा कुनै पनि सेवा रोकिनुहुन्न । सेवामा कोही पनि सेवाग्राहीले दुःख पाउनु हुँदैन ।’ बैठकमा प्रमुख प्रशासकीय अधिकृत अधिकारीले भने, प्लाजामा सहयोग कक्ष स्थापना गरेर सेवाग्राहीले सूचना दिने र सहयोग उपलब्ध गराउनु पर्छ। कार्यालय कता छ? अधिकारी कता छन्? सेवाग्राहीलाई थाहा नहुन सक्छ । सहायता कक्षबाट यस सम्बन्धी जानकारी र सहयोग प्राप्त हुनेछ ।’

प्लाजाको वाहिर सेतो पृष्ठभूमिमा रातो अक्षरले महानगरपालिका लेखेको बोर्ड राखिसकिएको छ । भित्र विभागहरुको संकेतका लागि हरियो पृष्ठभूमिमा सेतो अक्षरले नाम लेखिनेछ । हरेक तलामा कुन कुन विभाग छन्, नाम लेखिनेछ । 

‘काठमाडौँ प्लाजाबाट राज घराना रेष्टुरेन्ट, निरमाया दोहोरी साँझ र मुक्तिनाथ विकास बैङ्क सरेका छैनन् । रेष्टुरेन्ट र दोहोरी साँझ ट्रष्टसँगको भाडा विवादमा शिलबन्दी गरिएको अवस्थामा छन् । बैङ्कले सर्ने बताएको छ ।’ महानगरका सहायक प्रवक्ता दिपक अधिकारीले जानकारी दिए।