चैत २३, २०८०
असार १६, २०७९
काठमाडौं । प्रधानमन्त्री शेरबहादुर देउवाले जनताप्रति उत्तरदायी शासन व्यवस्था संसदीय लोकतन्त्रमा मात्रै प्रभावकारी हुने बताएका छन् ।
यस्तै, मुलुक समृद्ध बनाउन सबै लाग्नुपर्ने उनले बताए ।
६४ औँ संसद दिवसको अवसरमा पूर्वसांसद मञ्च र संघीय संसद सचिवालयले संयुक्त रूपमा आयोजित कार्यक्रमलाई संबोधन गर्दै उनले यस्तो बताएका हुन् ।
मुलुक संघीय लोकतान्त्रिक गणतान्त्रिक संसदीय व्यवस्थामार्फत मुलुकलाई समृद्ध बनाउने अभियानमा रहेको बताउँदै मुलुक विकासशील बनाउने दायित्व सबैको रहेको बताए ।
२०१६ साल असार १६ गते पहिलो संसद बैठक बसेको र अहिले ६४ औं दिवस मनाउन पाउनु खुसीको विषय भएको उनले बताए । उनले जननिर्वाचित शासन व्यवस्थामा संसदीय व्यवस्था महत्वपूर्ण भएको बताए ।
संसद दिवसजस्ता कार्यक्रमले संसद सम्प्रभुता र महत्वलाई आमसर्वसाधारणसमक्ष उजागर गर्ने र लोकतन्त्र एबं संसदीय व्याख्या थप मजबुत बनाउन सहयोग पुग्ने विश्वास लिएको छु,’ प्रधानमन्त्री देउवाले भने ।
चैत १९, २०८०
चैत १९, २०८०
चैत २२, २०८०
चैत १८, २०८०
