फागुन ०१, २०७७
खोटाङ- खोटाङको ऐँसेलुखर्क गाउँपालिका आधारभूत अस्पताल निर्माणका लागि डीपीआर निर्माणको तयारीमा जुटेको छ ।
१५ शय्याको आधारभूत अस्पताल निर्माणका लागि गाउँपालिकाले डीपीआर निर्माणको तयारी थालेको हो ।
अस्पतालको डीपीआर तयार पार्न गाउँपालिकाले सार्वजनिक खरिद नियमावलीको प्रावधानबमोजिम प्रस्ताव पेस गर्न इच्छुक फर्म वा कम्पनीलाई आग्रह गरेको छ ।
१७ लाख २१ हजार रुपैयाँमा डीपीआर तयार पार्न १५ दिनभित्र प्रस्ताव पेस गर्न गाउँपालिकाले २२ माघमा सूचना जारी गरेको छ ।
आधारभूत अस्पतालको टोपोग्राफिकल सर्भे, इन्जिनियरिङ सर्भे, जियो टेक्निकल, साइट प्लानलगायत डीपीआर तयार पार्ने गरी प्रस्ताव आह्वान गरिएको ऐँसेलुखर्क गाउँपालिका अध्यक्ष विश्वनाथ निरौलाले जानकारी दिए ।
खोटाङका १० स्थानीय तहमध्ये १५ मंसिरमा ऐँसेलुखर्कसँगै हलेसी तुवाचुङ नगरपालिका र जन्तेढुंगा गाउँपालिकामा १५ शय्याको तथा रावाबेँसी गाउँपालिकामा १० शय्याको अस्पताल भवन शिलान्यास गरिएको थियो ।
यस्तै, २३ मंसिरमा केपिलासगढी गाउँपालिकामा १५ शय्याको आधारभूत अस्पताल भवन शिलान्यास गरिएको थियो ।
साकेला गाउँपालिकाको रतन्छा स्वास्थ्य चौकीलाई ५ शय्याको अस्पतालमा स्तरोन्नति गर्ने गरी बजेटको व्यवस्था गरिएको छ । त्यसका लागि सरकारले ७ करोड ११ लाख रुपैयाँ उपलब्ध गराउनेछ ।
चैत १२, २०८०
फागुन २९, २०८०
फागुन २८, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
