चैत १२, २०८०
चैत ०९, २०७७
सुनसरी/हरिनगर- सुनसरीको हरिनगर गाउँपालिका वडा नम्बर ६ घुस्कीको नवनिर्मित वडा कार्यालय भवन आइतबार उद्घाटन गरिएको छ ।
हरिनगर गाउँपालिका अध्यक्ष गफार अन्सारी, उपाध्यक्ष रिमझिमकुमारी भगत, प्रमुख प्रशासकीय अधिकृत भक्तबहादुर खड्का र वडा नम्बर ६ का वडाध्यक्षय इस्राइल अन्सारीले संयुक्त रूपमा नवनिर्मित वडा कार्यालय भवन उद्घाटन गरे ।
४ कोठे वडा कार्यालय भवनको २०७६ भदौमा १ वर्षभित्रै सम्पन्न गर्ने गरी गाउँपालिका अध्यक्ष अन्सारीले शिलान्यास गरेका थिए । वडा कार्यालय निर्माण निर्धारित समयमै सम्पन्न भएको छ । भवनको लागत २३ लाख १३ हजार ७ सय ४७ रुपैयाँ रहेको थियो ।
हरिनगरका ७ मध्ये ५ वटा वडा कार्यालयको शिलान्यास भइसकेको छ । वडा नम्बर १ र २ भुटाहाको वडा कार्यालय भवन उद्घाटन भइसकेको छ ।
अध्यक्ष अन्सारीले ५ वटा वडा कार्यालयमध्ये अधिकांश वडाको भवन निर्माण सम्पन्न भइसकेको जानकारी दिए ।
गाउँपालिका उपाध्यक्ष रिमझिम भगतले पालिकाभित्र वडा कार्यालय व्यवस्थित नभएसम्म वडा तहको कार्य सम्पादन व्यवस्थित हुन नसक्ने बताए ।
हरिनगर गाउँपालिकाका प्रमुख प्रशासकीय अधिकृत भक्तबहादुर खड्काले वडाबासीको सम्पत्ति वडा कार्यालय भवन निर्माणलाई प्राथमिकता राखिएको जानकारी दिए । वडा समिति र वडाबासीको सहयोग र समन्वयका कारण समयमै निर्माण सम्पन्न उनको विश्वास छ ।
६ नम्बर वडाका वडा सदस्य तथा न्याय समिति सदस्य दाउद अन्सारीले स्थानीय सरकारले गरेका सबै काम वडाबासीसमक्ष राख्ने व्यवस्था गरेकामा पालिका अध्यक्षलाई धन्यवाद दिए ।
वडा नम्बर ६ का वडाध्यक्ष इस्राइल अन्सारीले वडा कार्यालय निर्माणपछि सेवाग्राहीलाई सहज हुने बताए ।
चैत १९, २०८०
चैत १९, २०८०
चैत २२, २०८०
चैत १८, २०८०
