close

महासंघ प्रतिनिधिमण्डलले भेट्यो श्रीलंकाली राजदूत

महासंघ प्रतिनिधिमण्डलले भेट्यो श्रीलंकाली राजदूत

Trulli
ADVERTISEMENT

काठमाडौं– नेपाल निर्माण व्यवसायी महासंघको प्रतिनिधिमण्डलले नेपालका लागि श्रीलंकाली राजदूत हिमाली अरुणा तिलकालाई भेटी नेपाली निर्माण उद्योगको पछिल्लो अवस्था र निर्माण प्रविधिबारे जानकारी गराएको छ । 

 

महासंघ अध्यक्ष रविसिंह नेतृत्वको प्रतिनिधिमण्डलले नेपाली निर्माण क्षेत्रका ऐन–कानुन सम्बन्धमा राजदूत तिलकालाई अवगत गराएको हो ।

 

श्रीलंकाबाट नेपालमा हेभी इक्युपमेन्ट निर्यात भए दुई देशबीचको आर्थिक सम्बन्ध थप प्रगाढ हुने विषयमा समेत भेटमा छलफल भएको महासंघले बताएको छ । 

 

भेटमा राजदूत तिलकाले नेपाली निर्माण व्यवसायीसँग मिलेर काम गर्न श्रीलंकाका निर्माण व्यवसायी इच्छुक रहेको जानकारी गराएको महासंघले जनाएको छ ।

 

दुई देशबीचको निर्माण व्यवसायका विविध पक्षबारे जानकारी आदानप्रदान गर्न चाँडै वेबिनार गर्नेसमेत राजदूत तिलकाले बताइन् । प्रतिनिधिमण्डलमा महासंघका सल्लाहकार ई. वीरेन्द्रराज पाण्डे, महासचिव रोशन दाहाल, कार्यालय प्रमुख प्रेमसिंह ऐर, जनसम्पर्क अधिकृत रामचन्द्र गिरी, प्रशासकीय अधिकृत शुभेक्षा सिंहलगायतको सहभागिता थियो ।