साउन ०९, २०७८
हुम्ला– हुम्लाको अदानचुली गाउँपालिकाबाट एक जना सुत्केरी महिलालाई हेलिकोप्टरमार्फत उद्दार गरेर उपचारका लागि काठमाडौं लगिएको छ । अदानचुली गाउँपालिकाको वडा नम्बर ५ बारीगाउँकी १८ वर्षीया सुनकेशा ऐडीको उद्दार गरिएको हो ।
सुत्केरी व्यथा लागेको करिब १८ घन्टा बढी समयसम्म ती महिलाले बच्चा जन्माउन सकेकी थिइन् । त्यसपछि महिला, बालबालबालिका तथा ज्येष्ठ नागरिक मन्त्रालयकोे राष्ट्रपति महिला उत्थान कार्यक्रमअन्तर्गत नेपाली सेनाको हेलिकोप्टरबाट शुक्रबार अपराह्न ५ बजे सुत्केरी महिलाको उद्दार गरिएको अदानचुली गाउँपालिका अध्यक्ष दल फडेराले जानकारी दिए ।
बुधबार रातीबाट घरमै सुत्केरी व्यथा लागेर सिकिस्त बनेकी ऐडीलाई नजिकैको लौठी स्वास्थ्य चौकी बारीगाउँमा राखेर उपचार गर्दा पनि बच्चा नजन्मिँदा व्यथाले च्यापेको थियो ।
स्वास्थ्य चौकीमा १८ घन्टा बढी समय राख्न नमिल्ने भएकाले सुर्खेतका लागि रिफर गरेको स्वास्थ्य चौकी इन्चार्ज विनोद बुढाले बताए । सुत्केरी महिलाको थप उपचारका लागि नेपाली सेनाको हेलिकप्टरबाट उद्दार गरी अहिले सुर्खेत लगिएको छ ।
चैत १२, २०८०
फागुन २९, २०८०
फागुन २८, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
