भदौ २३, २०७८
नेपालगञ्ज– बाँकेमा बुधबार बिहान मलामी गएका एक व्यक्ति राप्ती नदीमा बगेर बेपत्ता भएका छन् ।
जिल्ला प्रहरी कार्यालय बाँकेका अनुसार नेपालगञ्ज उपमहानगर वडा नम्बर १० भृकुटी नगरका सरोज चन्द मलामी गएको बेला राप्ती नदीको सिद्धनियाँ घाटको राप्ती पुल नजिकै नदीमा डुबेर बेपत्ता भएका हुन् ।
स्थानीयको मलामी गएका चन्द बुधबार बिहान साढे ११ बजे नदीमा डुबेका थिए । उनको खोजी भइरहेको प्रहरीले जनाएको छ । नदीमा धमिलो पानी हुनुका साथै बहाव बढी भएका कारण खोजीमा समस्या भएको छ ।
यसैगरी बुधबार बिहानै बाँके÷बर्दियाको सीमा क्षेत्रमा रहेको मान नदीले बगाउँदा बाँकेको खजुरा गाउँपालिका वडा नम्बर ७ का ५५ वर्षीय विक्रम राई बेपत्ता भएका छन् ।
प्रहरीका अनुसार बुधबार बिहान नजिकैको जंगलबाट दाउरा ल्याउने क्रममा १० बजे उनलाई मान नदीले बगाएको हो । नदीले बेपत्ता भएका उनीहरूको खोजी भइरहेको प्रहरीले बताएको छ ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
