असार ०७, २०७९
काठमाडौं । विवाहको प्रलोभनमा पारेर बलात्कार गरी नगद, गहना लुटपाट गरी फरार भएको एक युवकलाई प्रहरीले पक्राउ गरेको छ ।
पक्राउ पर्नेमा काभ्रेपलाञ्चोक तिमाल गाउँपालिका-९ घर भई हाल बनेपा डेरा गरी बस्ने ३० वर्षीय भोटे भनिने बिश्व तामाङ रहेका छन् ।
तामाङले गत जेठ २९ गते २४ वर्षीया युवतीलाई ललाई फकाई विवाह गर्ने प्रलोभनमा काठमाडौंको भोटेबहालमा रहेको एक गेष्ट हाउसमा बलात्कार गरेका थिए ।
तामाङले महिलालाई पेयपदार्थमा लठ्ठिने पदार्थ मिसाई खुवाई महिलासँग साथमा रहेको एक लाख रुपैयाँ दुई तोला सुन र मोबाइल समेत लुटेर फरार भएका थिए ।
महिला आफू बलात्कारमा परेको र नगद, सुनसहित लुटेको भन्दै गत जेठ ३१ गते प्रहरी बृत्त कालीमाटीमा उजुरी दिएकी थिइन् ।
तत्कालै प्रसुती गृह अस्पतालमा लगि पीडित महिलाको बिस्तृत स्वास्थ्य र शारीरिक परीक्षण गराई अनुसन्धानको कार्य शुरु गरेको थियो ।
तर अनुसन्धान गर्न पीडकको नाम, थर, ठेगाना समेत थाहा नभएको, फोटो समेत नरहेकोले अनुसन्धान प्रायशून्यकै अवस्थामा थियो । तामाङले गेष्ट हाउसमा बस्दासमेत पीडित महिलाकै परिचयपत्र, मोबाइल नम्बर मार्फत डाटा इन्ट्री गराएका थिए ।
अनुसन्धान गर्दै जाँदा पीडकको पहिचान खुल्न आएको र घटनापश्चात भागी फरार रहेककोले खोजतलास गर्ने क्रममा आइतबार राति प्रहरी बृत्त कालीमाटीबाट खटिएको बिशेष प्रहरी टोलीद्वारा तामाङलाई आइतबार राति ११ बजेतिर नियन्त्रणमा लिइएको प्रहरीले जनाएको छ ।
तामाङलाई काठमाडौं जिल्ला अदालतबाट सात दिनको म्याद थप अनुमति प्राप्त भई प्रहरी बृत्त कालीमाटीबाट थप अनुसन्धान भइरहेको छ ।
चैत ०६, २०८०
फागुन ३०, २०८०
फागुन २९, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
