असार १४, २०७९
काठमाडौं । झापाका करिब १०० घरमा डुबानमा परेका छन् ।
स्थानीय नदीमा पानीको बहाव बढेसँगै नदी किनारमा रहेका घर डुबानमा परेका हुन् । जिल्ला प्रहरी कार्यालय झापाका अनुसार गौरादह–६ शिवशताब्दी -६, गौरिगञ्ज गाउँपालिका-१कै विभिन्न घर डुबानमा परेका हुन् ।
जिल्ला प्रहरी कार्यालय झापाका अनुसार गौरादह–६मा २ फिटजति पानी जमेर २५ घर, शिवशताब्दी -६मा मकलढुंगा पानी छिरेर स्वास्थ्य केन्द्रमा दर्जी परिवारका घरमा छिरेको छ ।
त्यसैगरी गौरिगञ्ज महाभारामा रनमाया लिम्बुको घरमा स्थानीय खोलाको पानी छिरेको ४ फिटजति जमेको कार्यालयले जानकारी दिएको छ ।
‘गौरिगञ्ज गाउँपालिका-१ माई खोलाको पानी ओभर फ्लो भएर गाउँ प्रवेश गरेको छ । त्यसैगरी सोही स्थानको देवीगडामा पाँच घर, चपुरबस्तीमा १२ घर ३ फिटजति पानी जमेको छ,’ कार्यालयले जानकारी दियो।
प्रहरी कार्यालय झापाका अनुसार स्थानीय बासिन्दा तथा प्रहरीको सक्रियतामा उद्धार कार्य भइरहेको छ ।
मेची, निन्दा, बिरिङ, कनकाई, रतुवा लगायतका नदीमा पानीको सतह बढेको छ। यी नदीमा बाढी आउँदा भद्रपुर, कचनकवल, झापा, शिवसताक्षी, गौरीगन्ज,गौरादह र दमक नदीमा बाढी आउँदा वर्षेनी यहाँका बस्ती प्रभावित हुने गरेका छन्।
चैत ०६, २०८०
फागुन ३०, २०८०
फागुन २९, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
