चैत २४, २०८०
मंसिर ११, २०८०
रौतहट- नेपाल विद्युत् प्राधिकरण तीन स्थानीय तहको लाइन काटेको छ ।
टावर लाइटको लाइन मिटरविना जडान गरेका र सडकबत्तीको पैसा तिर्न पटक पटक ताकेता गर्दासमेत वास्ता नगरेपछि प्राधिकरणले लाइन काट्न थालेको जनाएको छ ।
हालसम्म चन्द्रपुर नगरपालिकाको ३७ वटा, बृन्दावन नगरपालिकाको १७ वटा र गुजरा नगरपालिकाको सातवटा टावर लाइटको लाइन काटिसकिएको नेपाल विद्युत् प्राधीकरण चन्द्रनिगाहपुर वितरण केन्द्रले जनाएको छ ।
प्राधिकरणले कातिक मसान्तभित्र सडकबत्ती/टावर लाइटबाट उठेको महसुल बुझाउन पालिकालाई सूचनामार्फत ताकेता गरेको थियो। दोस्रो पटक मंसिर ६ गते एक साताको समय दिए पनि महशुल नबुझाएपछि प्राधिकरणले लाइन काट्न थालेको हो ।
हरेक पालिकाहरूमा एक करोडभन्दा बढी विद्युत् महसुलको रकम बक्यौता रहेकोसमेत प्राधिकरणले जनाएको छ ।
चैत १९, २०८०
चैत २२, २०८०
चैत २३, २०८०
