असार ०४, २०७९
काठमाडौं । सवारी चालक अनुमतिपत्र (लाइसेन्स) का लागि परीक्षा दिँदै गरेका नक्कली परीक्षार्थी पक्राउ परेका छन् ।
जिल्ला प्रहरी परिसर काठमाडौंका अनुसार ड्राइभिङ लाइसेन्सका लागि अर्काको नाममा ट्रायल दिँदै गरेका सिन्धुपाल्चोक साँगाचोकगढी नगरपालिका-१० का २५ वर्षीय सुजित खड्का पक्राउ परेका हुन् ।
प्रहरीका अनुसार उनले आवेदक डोलकुमार थापाको नामबाट परीक्षा दिएका हुन् । उनी थापाको नागरिकतामा आफ्नो फोटो टाँसेर ट्रायल दिन गएका थिए ।
यातायात व्यवस्था कार्यालय चावहिलबाट असार २ गते सञ्चालित सवारी चालक अनुमति पत्रको प्रयोगात्मक परीक्षाबाट खड्का पक्राउ परेका हुन् ।
उनीमाथि मुलुकी अपराध संहिता ऐन २०७४ अनुसार लिखतसम्बन्धी कसुरमा जिल्ला अदातल काठमाडौंबाट ४ दिनको म्याद थपेर प्रहरी वृत्त बौद्धबाट अनुसन्धान भइरहेको छ ।
चैत ०६, २०८०
फागुन ३०, २०८०
फागुन २९, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
