कात्तिक १९, २०७९
काठमाडौं । रुपन्देहीको तिलोत्तमामा रहेको डिङ्गरनगर दूरगामी बचत तथा ऋण सहकारी संस्थाले आफ्ना उपभोक्तालाई मिल्क क्यान (दूध बोक्ने भाँडो) प्रदान गरेको छ ।
दूध सङ्कलन तथा बिक्री वितरण गर्दै आएको उक्त सहकारीले सञ्चालन गरेको बिक्री केन्द्रबाट दूध लैजाने नियमित उपभोक्तालाई मिल्क क्यान उपलब्ध गराएको हो ।
यसअघि प्लास्टिकमा बिक्री वितरण गर्दै आएको उक्त सहकारीले प्लास्टिकको प्रयोगलाई निरुत्साहित गर्नका लागि मिल्क क्यान वितरण गरिएको संस्थाका अध्यक्ष घनश्याम तिवारीले बताए ।
उक्त सहकारीबाट नियमित दूध उपभोग गर्ने तीन सयभन्दा बढी उपभोक्ता रहेका छन् । त्यस्तै करिव २० वटा पसलले पनि नियमित दूध लैजाने र उपभोक्तालाई बिक्री वितरण गर्दै आएको सहकारीका व्यवस्थापक वसन्तप्रसाद पराजुलीले जानकारी गराए ।
हाल सहकारीले रुपन्देहीका विभिन्न स्थान गोरकट्टा, धकधई, टिकुलीगढ समेतबाट दूध सङ्कलन गर्दै आएको छ भने सङ्कलित दूध तथा प्रशोधित दुग्धजन्य परिकार तिलोत्तमा–३ संस्थाको कार्यालयमा रहेको बिक्री केन्द्रबाट बिक्री वितरण हुँदै आएको कोषाध्यक्ष सुरेन्द्रमान बज्राचार्यले जानकारी गराए ।
उनका अनुसार हाल संस्थाले सरदर दैनिक ६ सय लिटर दूध सङ्कलन गरी दूध तथा प्रशोधित दुग्धजन्य पदार्थ बिक्री वितरण गर्दै आएको छ ।
चैत २२, २०८०
फागुन ३०, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
