माघ १८, २०८०
धनुषा - मुखियापट्टी मुसहरनिया गाउँपालिकाले कृषि सडकमा ह्युम पाइप विछ्याउने भएको छ । कृषि बालीमा सिँचाइको पहुँच सहज रुपमा पुर्याउनका लागि पाइप विछ्याउन लागेको हो ।
गाउँपालिकाको कृषि विकास अधिकृत रोशन कुमार यादवका अनुसार कृषि ज्ञान केन्द्रमार्फत ८५ प्रतिशत अनुदानमा पाइप विछ्याउने छ । गाउँपालिकाले आवश्यकता अनुसार पाइप विछ्याउने उनले पालिकाखबरलाई सुनाए ।
गाउँपालिकामा खेतमा जानको लागि ग्राभेल विछ्याएर सडक निर्माण भएको उनले बताए । सो सडकबाट कृषिजन्य सामग्री ओसारपसारको लागि सवारी साधनसमेत जान सक्ने उनको भनाइ छ ।
सो सडकमा पाइप विछ्याएसँगै नदीको पानी खेतबारीमा लैजान सजिलो हुने उनले सुनाए । गाउँपालिकाले गत आर्थिक वर्षमा पनि कृषि सडकमा ह्युम पाइप विछ्याएको थियो ।
गाउँपालिकाले कृषिमा आत्मनिर्भरका लागि अनुदानमा विभिन्न कार्यक्रम सञ्चालन गर्दै आएको छ । उनका अनुसार गाउँपालिकाले गहुँको वीउ, तरकारीको वीउ, किटनाशक औषधी वितरण, मेसिनरीलगायत विभिन्न सामग्री ७५ देखि ८५ प्रतिशत अनुदानमा वितरण गर्दै आएको छ ।
गाउँपालिकाले स्थानीय सहकारी तथा समूहको प्रतिनिधिमार्फत आवश्यक सामग्रीबारे जानकारी लिने गर्दछ । सोहीमार्फत सामग्री वितरण गर्ने गरेको उनले सुनाए ।
चैत २२, २०८०
फागुन ३०, २०८०
चैत १९, २०८०
चैत १९, २०८०
चैत २२, २०८०
