मंसिर ०८, २०७९
काठमाडाैं । मङ्सिर ४ गते सम्पन्न प्रतिनिधि तथा प्रदेशसभाको निर्वाचनका लागि माथिल्लो डोल्पामा खटिएका कर्मचारी मतदान केन्द्रमै रोकिएका छन् । कर्मचारि फर्काउन नेपाली सेनाको हेलिकप्टर सदरमुकाम दुनै पुगेको छ ।
जिल्ला निर्वाचन सुरक्षा समिति तथा निर्वाचन अधिकृतको कार्यालय डोल्पाले बुधबार निर्वाचन आयोग नेपाललाई कर्मचारी उद्धार गर्न आग्रह गरेसँगै आज बिहान हेलिकप्टर दुनै पुगेको हो ।
समुद्री सतहदेखि चार हजार १० मिटर उचाइ रहेको माथिल्लो डोल्पामा पर्ने शे–फोक्सुण्डो, छार्काताङ्साङ र डोल्पोबुद्धमा पर्ने २२ मतदान केन्द्रमध्ये १२ मतदान केन्द्रका रोकिएका कर्मचारी लाई हेलिकप्टरबाट उद्धार गर्न लागिएको हो ।
तर हावा चलिरहेकाले मतदान केन्द्रमा हेलिकप्टर जान नसकेर दुनैमा अवतरण गरिएको डोल्पाका प्रमुख जिल्ला अधिकारी वेदनिधि अधिकारीले बताए।
“उच्च हिमाली क्षेत्रको हावाको गति कम हुने वित्तिकै होलिकप्टर कर्मचारी लिन जान्छ,” उनले भने, “एक पटकमा १८ जना ल्याउन सकिन्छ ।”
डोल्पाका मुख्य निर्वाचन अधिकृत बाबुराम सुवेदीले बुधबारदेखि आयोगसँग पहल गरेपनि ढिलो भएको बताएका छन् । मौसमले साथ दिए आजै सबै कर्मचारी सदरमुकाम दुनै ल्याइने उनले बताए । माथिल्लो डोल्पामा दुई महिलासहित ४३ कर्मचारी, ४४ प्रहरी र ४८ जना म्यादी प्रहरी मङ्सिर १ गतेदेखि चुनावमा खटिएका थिए ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
