नेपालको बागमती  प्रदेश अन्तर्गत पर्ने दोलखा जिल्ला अवस्थित गौरीशंकर गाउँपालिका नेपालको संविधान धारा २९५ को उपधारा (३) बमोजिम कायम भएका गाउँपालिका मध्ये एक हो । नेपाल र दोलखा जिल्लाकै प्रसिद्ध गौरीशंकर हिमालबाट यस गाउँपालिकाको नाम रहन गएको हो। प्रसिद्ध च्छो-रोल्पा हिमताल पनि यसै गाउँपालिकाको भूगोल भित्र पर्दछ|

 यस गाँउपालिका साविकको ७ वटा गाविस अर्थात जुगु, झ्याँकु, सुरी , चंखु, मार्वु , खारे र गौरीशंकर मिलि करिव २५,००० जनसंख्या रहेको, ६८१.३९ ब.कि.मि. क्षेत्रमा ८६.५६ं पुर्व देखी ८६.६५ं पुर्व तथा २७.६५ं उत्तर देखी २७.९७ं र समुद्री सतह ८९१ देखी ७१३४ मिटर सम्म फैलिएको छ । नेपालको समय मापन निर्धारण गरिएको ७१३४ मि. अग्लो हिमालको नाम बाट नामकरण गरिएको यस गाँउपालिका सुन्दर  प्राकृतिक सम्पदा धनि छ । उत्तरमा विश्वको नं.१ विकसित देश चिनको तिब्बत , पुर्वमा सोलुखुम्वुको खुम्बु पासाङल्यामु गा.पा. तथा रामेछापको उमाकुण्ड गा.पा.  ,पश्चिममा विगु गा.पा. तथा कालिञ्चोक गा.पा. र दक्षिणमा बैतेश्वर गा.पा.तथा जिरी न.पा.मा जोडिएको नेपालकै एक नमुना पर्यटन क्षेत्र हो ।  यहा नेपालकै लोपन्मुख जाती सुरेल ,जिरेल तथा थामी  जाती साथै क्षेत्री , वाहुन , तामाङ , शेर्पा , बि.क. , नेपाली , नेवार , गुरुङ , सार्की , मगर जातजातीहरुको वसोवास रहेको स्थल हो ।  चेर्दुङ्ग को लेक देखी तामाकोशीको बगर , गौरीशंकरको सिर देखी  जुगुको भेदीसम्म फैलिएको यो गाउपालिका लेकको फेदिमा कोणधारी वन (जस्तै ः ठिङग्रे , धुपी )  देखी नेपालको राष्ट्रिय फुल लालीगुँरास , चिमाल सम्म पाइन्छ ।

यो पेजको स्वामित्व पालिका खबरसँग निहित रहेको छ । यो पेजका लागि सम्पर्क व्यक्ति -
नामः 
ठेगाना :
फोन नं.:
ईमेलः
अन्य विवरण :

पालिका खबर मिडिया हाउस प्रा.लि.
थापागाउँ, नयाँबानेश्वर, काठमाडौं
फोन नं. : ९७७–१–५२४४७७६
मोबाईल : ९८५१०७६६१५