माघ २२, २०८०
कैलाली– बर्दगोरिया गाउँपालिकाले छाडा पशुचौपायालाई व्यवस्थापन गर्दै आएको छ । गाउँपालिकाले दुई वटा गौशालामा २७५ वटा छाडा पशु चौपायालाई व्यवस्थापन गर्दै आएको हो ।
छाडा पशु चौपायाले दुर्घटना तथा स्थानीय बासिन्दाले लगाएको बालीनाली नोक्सान गर्ने भएकोले गौशाला निमार्ण गरेको पशु सेवा शाखा अधिकृत छैटौंका जयप्रसाद कोइरालाले बताए । आर्थिक वर्ष २०७४/७५ सालदेखि हालसम्ममा २७५ वटा वटा पशुचौपाया व्यवस्थापन गरेको अधिकृत कोइरालाले बताए ।
चालु आर्थिक वर्ष २०८०/८१ मा छाडा चौपायालाई खोरेत रोग विरुद्धको खोप लगाइएको अधिकृत कोइरालाले पालिकाखबरलाई जानकारी दिए । गाउँपालिकामा २ दशमलब ५ विगाहामा दुई वटा ठुला गौशाला निर्माण गरी २७५ वटा छाडा पशु चौपायालाई व्यवस्थापन गरेको उनको भनाइ छ ।
कपिलबस्तुदेखि महेन्द्रनगरसम्म छाडा पशु चौपायाले दुःख दिने गरेको उनले बताए । छाडा पशु चौपाया भारतबाट आउने गरेको उनको अनुमान छ । गाउँपालिकाले छाडा पशु चौपायाका लागि भनेर १० लाख बजेट विनियोजन गरेको छ ।
फागुन २९, २०८०
फागुन २५, २०८०
फागुन २४, २०८०
चैत १९, २०८०
चैत १९, २०८०
चैत २२, २०८०
