भदौ २४, २०८०
नवलपरासी - सुस्ता गाउँपालिकाले छाला सम्बन्धि रोगबारे शिविर सञ्चालन गर्दै आएको छ । गाउँपालिकाले कुष्टरोग, क्षयरोग तथा विभिन्न छालासम्बन्धि रोगबारे शिविर सञ्चालन गरेको हो ।
गाउँपालिकाको स्वास्थ्य शाखा अधिकृत निर्मला कुश्वाहाका अनुसार पालिका क्षेत्रमा सो रोग धेरै फैलिएकोले निवारणका लागि शिविर सञ्चालन गर्दै आएको हो । उनका अनुसार सो रोग निवारणको लागि गाउँपालिकाले चिकित्सकसहित घरघरमा स्वास्थ्य शिविर सञ्चालन गर्दै आएको पालिकाखबरलाई जानकारी दिइन् ।
रोगबारे पहिचान गरी डाक्टर र नर्ससहितको टोली घरघरमा जाने, आवश्यक उपचार तथा परामर्श गर्ने उनले बताइन् । उनका अनुसार सो रोगबारे पालिकाभित्र सञ्चालित स्वास्थ्य संस्थामा निःशुल्क उपचार हुँदै आएको छ ।
गाउँपालिका क्षेत्रमा जनचेतनाको कमी तथा समयमा उपचार नगर्ने प्रवृत्तिले सो रोग संक्रमितको संख्या बढेको उनले सुनाइन् । सो रोग निवारणको लागि गाउँपालिकाले विगतका वर्षदेखि कार्यक्रम सञ्चालन गर्दै आएको जानकारी दिइन् ।
चैत १२, २०८०
फागुन २९, २०८०
फागुन २८, २०८०
चैत २३, २०८०
