चैत १२, २०८०
असोज १६, २०८०
कैलाली- धनगढी उपमहानगरपालिकामा पहिचान भएका सबै सडकको उपमहानगर आफैले ग्राभेल गर्ने भएको छ । यसका लागि वडा नम्बर १९ बाट ग्राभेल गर्ने काम सुरु भएको सुरु भइसकेको नगर प्रमुख गोपाल हमालको निजी सचिवालयले जनाएको छ ।
यसअघि धनगढीमा उपभोक्ता समिति र कोटेशनमार्फत सडक ग्राभेल हुँदै आएको थियो । तर उपमहानगरपालिकाले नीतिगत निर्णय नै गरेर सबै वडाभित्रका सडकमा आफै ग्राभेल गर्ने कामको सुरु गरेको हो ।
चालु आर्थिक वर्षमा सडक ग्राभेल गर्न उपमहानगरपालिकाले सातवटा ब्याको लोडर प्रयोग गर्ने तयारीमा छ । पुराना तीनवटा टिप्पर र दुई नयाँ खरिदको प्रक्रियामा छन् । ग्राभेल आवश्यक परेका नगरवासीलाई वडा कार्यालयमा सम्पर्क गर्न उपमहानगरपालिकाले आग्रह समेत गरेको छ ।
उपमहानगरपालिकाको तथ्यांकअनुसार १९ वटै वडाका ५१७ सडकमा ग्राभेल गरिएको छैन्। ती सडकको ग्राभेल गर्न १८ करोड बजेट आवश्यक पर्ने उपमहानगरपालिकाले जनाएको छ ।
चैत १९, २०८०
चैत १९, २०८०
चैत २२, २०८०
