फागुन १३, २०७९
तेह्रथुम। आठराई गाउँपालिकाले अग्नि पिडितलाई राहत प्रदान गरेको छ । शुक्रबार दिउँसो देखि आठराई–६, हात्तिखर्कमा आगो लागिरहेको छ। हालसम्म ३ करोड भन्दा बढीको क्षति, १५ घर जलेर पूर्ण क्षति भएको र हालसम्म पनि पूर्ण नियन्त्रणमा आइ नसकेको गाउँपालिकाले जनाएको छ।
गाउँपालिकाले प्रति अग्नी पिडित परिवार नगद रू ३०,००० , दैनीक उपभोग्य वस्तुहरू (चामल ५० केजी, दाल १०केजी, आलु ५ केजी, नुन २ केजी, चाउचाउ १ कार्टुन, चिनि २ केजी, चियापत्ती १ प्याकेट, प्याज २ केजी), लत्ताकपडाहरू राहत स्वरूप वितरण गरेको हो।
आगो निभाउन दमकल, प्रहरीको साथमा गाउँपालिकाका जनप्रतिनिधि,कर्मचारी र स्थानियवासी खटेकाले आगलागी केही नियन्त्रणमा आएको गाउँपालिकाले जनाएकाे छ। आगामी दिनमाराहतका थप कार्यक्रम ल्याउने गाउँपालिकाको योजना छ।
फागुन २८, २०८०
फागुन २७, २०८०
फागुन २१, २०८०
चैत २२, २०८०
चैत २३, २०८०
