पुस १९, २०८०
सल्यान - कपुरकोट गाउँपालिकाले खरको छानो हटाएर जस्तापाता लगाउने भएको छ । गाउँपालिकाले खरको छानोमुक्त गाउँपालिका अभियानअन्तर्गत जस्तापता लगाउन लागेको हो ।
गाउँपालिकाको अध्यक्ष दुर्गाबहादुर पुनका अनुसार आर्थिक रुपमा कमजाेर भएका परिवारको घरमा जस्ताको छाना लगाउन लागेको हो । गाउँपालिकाले चालु आर्थिक वर्षमा २०० वटा घरमा जस्ताको छानो लगाउने उनले पालिकाखबरलाई बताए ।
खरको छानो विस्थापित गर्नको लागि गाउँपालिकाले सूचना जारी गरेको थियो । सोही सूचनामा परेको आवेदनको अनुसार दलित, विपन्न तथा एक महिलालाई प्राथमिकतामा राखेर सो कार्यक्रम सञ्चालन गर्दै आएको उनले सुनाए ।
कार्यक्रमको लागि गाउँपालिकाले चालु आर्थिक वर्षमा एक करोड रुपैयाँ बजेट विनियोजन गरेको छ । गत वर्षदेखि सुरु भएको अभियानबाट आगामी तीन वर्षभित्र पालिकामा खरमुक्त छानो बनाउने लक्ष्य लिएको उनले बताए । गाउँपालिकाभित्र करिब ६०० घरमा खरको छानो रहेको उनले सुनाए ।
फागुन २८, २०८०
फागुन २७, २०८०
फागुन २१, २०८०
चैत २२, २०८०
चैत २३, २०८०
