भदौ १८, २०८१
कात्तिक ११, २०७८
सप्तरी– गत साताको बेमौसमी वर्षासँगै आएको हावाहुरीका कारण सप्तरीको खडक नगरपालिका वडा नम्बर १० स्थित केरा बगानमा लाखौँको क्षति भएको छ । झन्डै १५ बिघामा लगाइएको पाक्न तयार ३५ सय केरा बोटमा क्षति पुगेको हो ।
२ वर्षअघि सञ्चालनमा आएको केरा बगानमा २५ लाख रुपैयाँ बढीको लगानी डुबेको फर्मका सञ्चालक उमेश साहले बताए । उनले भने, ‘सुरुका वर्ष राम्रै कमाइ भएको थियो । तर, यस पटक हावाहुरी र वर्षाले लगानीसमेत डुबायो । घरका सबै जग्गा–जमिन बैंकमा धितो राखेर बगानमै लगानी गरेँ तर प्राकृतिक प्रकोपले सबै बर्बाद गरिदियो ।’
बाली कृषि बिमाका लागि निवेदन दिँदा हालसम्म त्यसको सुनुवाइ नभएको उनले बताए । शिक्षण पेसा छाडेर कृषिमा होमिएका उनले सबै खेती नष्ट भएपछि पछुतो लागिरहेको गुनासो गरे । १० वर्ष शिक्षण पेसामा रहेका साहले कृषिमा राम्रो आम्दानी हुने ठानेर केरा खेतीमा लागेका थिए ।
कात्तिक १४, २०८१
