भदौ १८, २०८१
असार २६, २०७९
रोल्पा । रुन्टीगढी गाउँपालिकाले तरकारी उत्पादक किसानलाई कर छुट गरिदिएको छ । गाउँपालिका क्षेत्रका तरकारी उत्पादक किसानले यसअघि स्थानीय करको रुपमा तरकारी कर बुझाउँदै आएका थिए ।
यसअघि किसानले प्रतिकिलो ५० पैसाका दरले तरकारी कर तिर्दै आएका थिए । अघिल्लो कार्यपालिकाको उक्त निर्णयलाई वर्तमान कार्यपालिकाले परिवर्तन गरिदिएको हो ।
गाउँपालिकाले 'यसअघि किसानबाट लिइँदै आएइएको तरकारी कर नलिने निर्णय भएको' जानकारी दिएको छ । यो निर्णय आगामी साउन १ गतेदेखि लागु हुनेछ ।
आम्दानीको मुख्य स्रोतको रुपमा रहेको तरकारी खेतीमा कृषकलाई लगाइँदै आएको कर नलिने निर्णय गरेको गाउँपालिका अध्यक्ष जनक पुनले पालकाखबरलाई जानकारी दिए । यो निर्णयले कृषकलाई राहत पुग्ने उनले बताए ।
गाउँपालिका क्षेत्रका कृषकले वार्षिक १० लाख किलोभन्दा बढी तरकारी उत्पादन गर्ने गर्छन् ।
यस क्षेत्रमा गोलभेडा, बन्दा, खुर्सानी, भान्टा, सिमीजस्ता मौसमी र बेमौसमी तरकारी अत्यधिक उत्पादन हुने गर्दछ ।
यहाँ उत्पादित तरकारी दाङको घोराही, तुलसीपुर, बुटवल, नेपालगञ्जलगायतका बजारसम्म पुग्छन् ।
कात्तिक १४, २०८१
