काठमाडौं । चीनले अमेरिकाले ताइवानलाई आफ्नो देशबाट छुट्याउन प्रयत्न गरे सैन्य शक्ति प्रयोग गर्ने चेतावनी दिएको छ ।
एसियाली सुरक्षा सम्मेलनका क्रममा समकक्षी रक्षा रक्षामन्त्री वे फङ्ख र अमेरिकी समकक्षी लोयड अस्टिनबीच भएको कुराकानीका क्रममा चिनियाँ विदेशमन्त्रीले सो चेतावनी दिएका हुन् ।
चीनले ताइवनलाई आफ्नो अभिन्न भूमिको रुपमा लिँदै आएको छ ।
सो क्रममा अस्टिनले चिनियाँ सैनिक गतिविधिलाई उत्तेजना र अस्थिरता निम्त्याउने कदमको संज्ञा दिएका थिए ।
त्यसैगरी, रक्षामन्त्री वेले ताइवानलाई हतियार बिक्री गर्ने अमेरिकी कदमको निन्दा गरेका थिए ।
सो क्रममा वेले भनेका थिए, ‘ यदि कसैले ताइवानलाई चीनबाट अलग गर्ने प्रयास गर्छ भने चिनियाँ जनमुक्ति सेनासमक्ष कुनै पनि मूल्यमा लड्नु र स्वतन्त्र हुने ताइवानको प्रयासलाई दमन गर्नु र देशको राष्ट्रिय सार्वभौमसत्ता र भौगोलिक अखण्डताको सुरक्षा गर्नुको अरू विकल्प हुँदैन।’
वेको यो अभिव्यक्तिपछि अस्टिनले बल प्रयोग गरेर तनाव हल गर्न खोज्नु नहुनेमा जोड दिएका थिए ।