माघ १६, २०८०
झापा - झापा गाउँपालिकाले अनुदानमा स्यालो ट्युबेल तथा मोटर जडान गर्ने भएको छ । गाउँपालिकाले चालु आर्थिक वर्षको स्वीकृत कार्यक्रम अन्तर्गत अनुदानमा सो सामग्री जडान गर्ने जनाएको हो ।
गाउँपालिकाकी कृषि स्नातक समीक्षा उप्रेतीका अनुसार स्थानीय बासिन्दामा सिँचाइको पुहँच पुर्याउनका लागि सो कार्यक्रम सञ्चालन गर्न लागेको हो । कार्यक्रमअन्तर्गत रही गाउँपालिकाले ५० प्रतिशत अनुदानमा सामग्री वितरण गर्न लागेको उनले पालिकाखबरलाई बताइन् ।
सामग्री खरिदको लागि गाउँपालिका र स्थानीय बासिन्दालाई आधा/आधा रकम व्यहोर्नु पर्ने उनले सुनाइन् । सो कार्यक्रमको लागि कोशी प्रदेशबाट चालु आवमा ५० लाख रुपैयाँ बजेट विनियोजन गरेको उनले जनाइन् ।
सो कार्यक्रमको लागि स्थानीय बासिन्दाहरुसँग आवेदन माग गरेको उनले बताइन् । सामग्री मागसहितको आवेदकको संख्याको आधारमा गाउँपालिकाले वितरण गर्ने उनको भनाइ छ ।
चैत २४, २०८०
चैत १३, २०८०
चैत २२, २०८०
चैत २३, २०८०
