गुल्मी– रुरुक्षेत्र गाउँपालिकाले सार्वजनिक सुनुवाई कार्यक्रम गर्ने भएको छ । यहि मंसिर २९ गते शुक्रबार ११ बजेदेखि गाउँपालिकाको सभाहलमा सार्वजनिक सुनुवाई कार्यक्रम सञ्चालन गर्न लागेको हो ।
गाउँपालिकाले बुधबार एक सूचना जारी गर्दै चालु आर्थिक वर्ष २०८०/०८१ को प्रथम चौमासिक अवधिमा गाउँपालिकाले गरेको काम र सेवाको प्रगती समीक्षा तथा सार्वजनिक सुनुवाई कार्यक्रम गर्न लागेको जनाएको छ ।
आफ्नो सुझाव, चासो, गुनासो र प्रतिक्रिया दिन कार्यक्रममा उपस्थिति जनाउन गाउँपालिकाले पालिकाबासी तथा सरोकारवाला निकायलाई अनुरोध गरेको छ ।