पुस ०२, २०७७
रौतहट- रौतहटको फतुवा विजयपुर नगरपालिकाले आफ्ना नगरबासीले उपभोग गरेको बिजुलीको महसुल भुक्तानी गरिदिएको छ ।
नगरपालिकाले नगरभित्रका ८ हजार ६ सय घरधुरीले खपत गरेको महसुल नेपाल विद्युत् प्राधिकरण मौलापुर शाखामा बुझाएको हो ।
पछिल्लो ३ महिनामा खपत भएको बिजुलीबापतको रकम विद्युत् प्राधिकरणलाई एकमुष्ट तिरिदिएको फतुवा विजयपुर नगरपालिकाले जनाएको छ ।
‘३ महिनामा खपत भएको बिजुलीको बिल बराबरको करिब ३९ लाख रुपैयाँ चेकमार्फत विद्युत् प्राधिकरण मौलापुर शाखामा बुझाएका हौँ । हरेक महिनाको अन्तिम साता नगरपालिकाले नै नगरबासीको महसुल तिरिदिनेछ’, नगर प्रमुख गोपाल यादवले भने ।
नगरभित्रका हरेक नागरिकलाई निःशुल्क बिजुली उपलब्ध गराउने नीतिअनुसार महसुल नगरपालिकाले नै तिरिदिएको उनले बताए ।
यो नगरपालिकाले गत असोजदेखि नगरभरिकै सबैको विद्युत् महसुल तिरिदिने नीतिगत निर्णय गरेको थियो ।
फागुन २८, २०८०
फागुन २७, २०८०
फागुन २१, २०८०
कात्तिक १४, २०८१
