मंसिर १९, २०७८
सोलुखुम्बु– सोलुखुम्बुका तीन स्थानीय तहले जनताको सेवाका लागि गाउँ तथा नगर प्रहरी राखेका छन् । जिल्लाका आठ वटा स्थानीय तहमध्ये तीन स्थानीय तहले गाउँ तथा नगर प्रहरी राखेका हुन् ।
सार्वजनिक सम्पतिको सुरक्षा र संरक्षण गर्न, विपद व्यवस्थापन सम्बन्धी खोजी, उद्धार, राहत तथा पुनस्र्थापनालगायत अनाधिकृत निर्माण एवम सार्वजनिक सम्पति अतिक्रमण रोकथाम र नियन्त्रण गर्न प्रतिस्पर्धाको आधारमा सेवा करारमा गाउँ तथा नगर प्रहरीको नियुक्ति गर्न सकिने प्रावधान रहेको छ ।
स्थानिय सरकार सञ्चालन ऐन, २०७४ को दफा ११ को उपदफा २ (क) मा व्यवस्था भए बमोजिम जिल्लाको एक मात्र नगरपालिका सोलुदूधकुण्ड नगरपालिकाले १० जना नगर प्रहरी, थुलुङ दूधकोशी गाउँपालिकाले पाँच जना र नेचासल्यान गाउँपालिकाले पाँच जना गाउँ प्रहरीमा नियुक्त गरेको छ ।
गाउँ प्रहरी राखेपछि विभिन्न कामकाजमा सहयोग पुगेको सोलुदूधकुण्ड नगरपालिकाले जनाएको छ । नगर प्रहरी भएपछि बजार व्यवस्थापनलगायत कार्यालयको काममा पनि सजिलो हुने आशा गरिएको छ ।
फागुन २८, २०८०
फागुन २७, २०८०
फागुन २१, २०८०
बैशाख २९, २०८१
बैशाख ०७, २०८१
बैशाख ०७, २०८१
बैशाख २४, २०८१
