माघ २८, २०८०
कालिकोट– सान्नी त्रिवेणी गाउँपालिकाले घाइते अपाङ्गता भएका व्यक्तिलाई जीवन निर्वाह भत्ता वितरण गरेको छ । गाउँपालिकाले २० जनालाई जीवन निर्वाह भत्ता उपलब्ध गराएको हो ।
गाउँपालिकाअन्तर्गत घाइते अपाङ्गता भएका व्यक्ति ३२ जना भएकोमा २० जनालाई उपलब्ध गराएको प्रमुख प्रशासकीय अधिकृत नेत्रराज शाहीले बताए । घाइते अपाङ्ग भएका व्यक्तिलाई सहजता हुने भएकोले मासिक दुई हजारका दरले उपलब्ध गराइएको शाहीले पालिकाखबरलाई जानकारी दिए ।
गाउँपालिकाले ‘घाइते अपाङ्गता भएका व्यक्तिलाई जीवन निर्वाह भत्ता वितरण कार्यविधि २०८०’ मा भएको व्यवस्था बमोजिम अपाङ्ग भएका व्यक्तिलाई भत्ता वितरण गर्ने गरेको उनले बताए ।
नेपाल सरकार गृह मन्त्रालयबाट कर्णाली प्रदेशभरीमा कार्यक्रम लागु भएकोले गाउँपालिकाअन्तर्गत हरेक वडाका अपाङ्गता भएका व्यक्तिलाई २ हजार रुपैयाँका दरले वितरण गरेकोे बताए ।
यसका साथै, सहिद स्मृति भत्ताअन्तर्गत ५२ जना मध्ये ४० जनालाई मासिक दुई हजारका दरले वितरण गरेको छ ।
फागुन २८, २०८०
फागुन २७, २०८०
फागुन २१, २०८०
चैत २३, २०८०
