कात्तिक २८, २०७८
दाङ– नेकपा एमालेको दसौँ महाधिवेशनका लागि दाङबाट २५ सदस्यलाई सिफारिस गर्ने निर्णय भएको छ । १०–१२ मंसिरदेखि चितवनमा हुन गइरहेको महाधिवेशनका लागि एमाले दाङको घोराहीमा बसेको बैठकले २५ जनालाई महाधिवेशन प्रतिनिधिका रूपमा पठाउने निर्णय गरेको हो ।
एमाले दाङका अनुसार जिल्लाका तीन वटै निर्वाचन क्षेत्रबाट खुल्ला र समावेशीका आधारमा प्रतिनिधि छनोट गरी सिफारिस गर्ने निर्णय भएको छ । दाङ निर्वाचन क्षेत्र नम्वर १ बाट खुल्लातर्फ रेवतीरमण शर्मा, राममणि पाण्डे, सहजराम यादवलाई महाधिवेशन प्रतिनिधि छनोट गरिएको छ ।
यस्तै, महिलातर्फ गंगा चौधरी र सरस्वती गौतमलाई सिफारिस गरिएको छ । निर्वाचन क्षेत्र नम्बर २ बाट खुल्लातर्फ टीकाराम खड्का, लक्ष्मण आचार्य, टोपेन्द्र केसी, बलिभद्र राना, भेषराज खत्री रहेका छन् भने महिलातर्फ तुलसा केसी र हुमा डिसी छन् ।
निर्वाचन क्षेत्र नम्बर ३ बाट तुलसीपुर उपमहानगर प्रमुख घनश्याम पाण्डे, हुकुम बस्नेत, मनोहर बुढाथोकी, भुवनेश्वर पौडेल, कृष्ण भुसाल, राममिलन चौधरी रहेका छन् भने महिलातर्फ कोमल वली, धनकली चौधरी र माया आचार्य रहेका छन् ।
यस्तै, दलिततर्फ जिल्ला समन्वय समिति दाङका प्रमुख जितेन्द्रमान नेपाली, मानबहादुर विश्वकर्मा र निर्र्मला विश्वकर्मा रहेका छन् । एमाले दाङका अनुसार जिल्लाका तीन वटै निर्वाचन क्षेत्रबाट खुल्ला र समावेशी आधारमा प्रतिनिधि छनोट गरी सिफारिस गर्ने निर्णय भएको हो ।
भदौ २४, २०८१
बैशाख २८, २०८१
भदौ २३, २०८१
