चैत २४, २०८०
बैशाख १८, २०७९
काठमाडौं । सत्तारूढ दल नेपाली कांग्रेसका नेता डा. शेखर कोइरालाले प्रधानमन्त्री शेरबहादुर देउवाले वरीयता मिचेर आइजिपी नियुक्ति गरेर विधिको शासनको खिल्ली उडाएको बताएका छन् ।
प्रधानमन्त्री शेरबहादुर देउवाले तेस्रो वरीयताका धीरजप्रताप सिंहलाई आइजिपीमा नियुक्त गरेपछि कोइरालाले सामाजिक सञ्जालमार्फत् देउवाले विधिको शासनको खिल्ली उडाएको बताएका हुन् ।
वरीयता मिचेर नेपाल प्रहरीको आइजिपी नियुक्त गर्ने सरकारको प्रक्रिया गलत भएको बताउँदै उनले यस निर्णयले विधिको शासनको खिल्ली उडाएको बताएका छन् ।
‘वरीयता र प्रक्रिया मिचेर नेपाल प्रहरीको आइजपी नियुक्त गर्ने सरकारको निर्णयले विधिको शासनको खिल्ली उडाउने काम गरेको छ । सरकारको यो निर्णयले सिंगो प्रहरी संगठनलाई फेरि एकपटक विवादमा ल्याएको छ,’ कोइरालाले सामाजिक सञ्जालमा भनेका छन् ।
सरकारले आइतबार नेपाल प्रहरीको आइजिपीमा धीरजप्रताप सिंह र सशस्त्र प्रहरी बलको आइजिपीमा राजु अर्याललाई नियुक्त गरेको छ ।
वरियता र प्रक्रिया मिचेर नेपाल प्रहरीको आईजीपी नियुक्त गर्ने सरकारको निर्णयले बिधिको शासनको खिल्ली उडाउँने काम गरेको छ।
— Dr Shekhar Koirala (@Shekharnc) May 1, 2022
सरकारको यो निर्णयले सिंगो प्रहरी संगठनलाई फेरि एकपटक बिवादमा ल्याएको छ।
चैत २४, २०८०
बैशाख ०७, २०८१
