चैत २४, २०८०
बैशाख १९, २०७९
महोत्तरी। आसन्न स्थानीय तहको निर्वाचनमा दलबीच तीव्र प्रतिस्पर्धा छ । परिणाम आफ्नो पक्षमा पार्न दलहरू सबै किसिमका शक्ति प्रयोग गरिरहेका छन् ।
१५ स्थानीय तह रहे को महोत्तरी जिल्लाको बर्दिबास नगरपालिका जिल्लाकै चर्चामा छ । बर्दिबासमा चुनावी समीकरण पनि हेर्नलायक छ ।
जिल्लाका कुनै पनि पालिकामा सत्तागठबन्धन दलहरूबीच चुनावी गठबन्धन हुन सकेन । त्यसैले धेरै दल एक्ला–एक्लै निर्वाचनमा होमिएका छन् । तर, बर्दिबासमा सबै दल एक्लाएक्लै चुनाव लडे पनि सांगठनिक संरचना बलियो भएको नेपाली कांग्रेस भने कमजोर देखिएको छ ।
नेपाली कांग्रेसभित्र टिकटको विषयलाई लिएर एक पक्ष स्वतन्त्र प्यानल दर्ता गरेर प्रचारप्रसारमा लागेको छ भने अर्काे पक्ष रुख चिन्हको प्रचारप्रसारमा लागेको छ । जसका कारण कांग्रेसले जित्ने सम्भावना न्यून छ । बरु यसको फाइदा माओवादी केन्द्रले लिने भएको छ ।
माओवादी केन्द्रबाट प्रह्लाद क्षेत्रीजस्तै रुद्र सुस्लिङ्ग मगरले पनि बागी उम्मेदवारी दिएका थिए । मगर पार्टीलाई जिताउनुपर्छ भन्दै उम्मेदवारी फिर्ता लिए भने क्षेत्रीले कायम नै राखे ।
क्रसर व्यवसाय गर्दै आएका क्षेत्रीले टिकट पाउने आशामा नगरभित्रका धेरै ठाउँमा आफ्नो उचाइ बनाउन पैसा खर्च गरे । तर, उनले टिकट पाएनन् । टिकट नपाएपछि उनले आफ्नो स्वतन्त्र उम्मेद्वारी कायम राखेका छन् ।
यो नगरमा माओवादी र नेकपा एमालेबीच प्रतिस्पर्धा हुने अनुमान गरिएको छ । नेकपा एमालेबाट टेकबहादुर बलाम्पाकी नगरप्रमुखका लागि उम्मेद्वार छन् ।
चैत २३, २०८०
