धनुषा। स्थानीय तहको चुनावमा पैसा बाँडेको आरोपमा मुस्लिम आयोगका अध्यक्ष समिम मियाँ अन्सारी पक्राउ परेका छन् ।
जनकपुरधामस्थित सीताशरण होटेलबाट झोलासहित उनी पक्राउ परेका हुन् ।
मतदानको समय नजिकिँदै गर्दा विभिन्न ठाउँबाट उम्मेदवार र उनीहरूसँग आबद्ध नेता, कार्यकर्ता र आफन्त पक्राउ पर्ने क्रम जारी छ ।
पैसा बाँडेको आरोपमा प्रहरीले बिहीबारमात्रै सुर्खेतबाट एक वडाध्यक्ष पदका उम्मेद्वार पक्राउ परेका छन् ।
त्यस्तै, बुधबार बुटवल उपमहानगरपालिकाको सुकुम्बासी टोलमा पैसा बाँड्न गएको भनी नेकपा (एमाले) मेयर पदका उम्मेद्वारकी श्रीमतीलाई स्थानीयले नियन्त्रणमा लिएका थिए ।