चैत २४, २०८०
असार १३, २०७९
काठमाडौं । एकीकृत समाजवादी पार्टीको प्रथम केन्द्रीय परिषद बैठक जारी छ ।
यसअघि, सचिवालय समिति, स्थायी कमिटी, पोलिटव्यूरो र केन्द्रीय कमिटीको बैठक सम्पन्न गरेको पार्टीको बैठक कमलादीस्थित प्रज्ञा भवनमा जारी रहेको हो ।
परिषद्को बैठकमा बोल्दै अध्यक्ष माधव नेपालले नेपालको राजनीतिक परिवर्तन भए पनि त्यसअनुरुप आर्थिक–सामाजिक–सांस्कृतिक परिवर्तन हुन नसकेको बताएका छन् । साथै एसपीपी पास गराउन केपी ओलीले भूमिका खेलेको आरोप लगाएका छन् ।
एमसीसीमाथि टेकेर एसपीपी पास गराउने खेल भएको बताउँदै केपी ओली सरकारमा भएको बेला परराष्ट्र नीतिविपरीत सेनाले चिठी लेखेको आरोप लगाएका हुन् ।
नेपाली सेनाले परराष्ट्र नीतिअन्तर एसपीपी अमेरिकालाई चिठी लेख्न नपाउने भए पनि चिठी लेख्ने काम भएको उनले बताएका हुन् । उनले एमसीसी एमसीसी १२ बुँदे व्याख्यात्मक घोषणासहित स्वीकृत गरेको भए पनि सजग रहनुपर्ने बताएका छन् ।
नेपालले सबै देशसँग समधुर सम्बन्ध राख्न चाहने देश भए पनि असंग्लन परराष्ट्र नीतिविपरीत केपी ओलीले एसपीपी पास गराउन भूमिका खेलेको भए पनि गठबन्धनको सरकारले पास नगर्ने निर्णय गरिसकेको बताएका हुन् ।
साथै उनले बैठकमा ३४ पृष्ट लामो १२ बुँदे पुतिवेदन पेश गरेका छन् । प्रतिवेदनमा अन्तर्राष्ट्रिय, राष्ट्रिय परिस्थितिदेखि आगामी कार्ययोजनासम्म समेटिएको छ । परिषद बैठकमा छलफल भएपछि परिवमार्जनसहित उक्त प्रतिवेदन पारित हुने बताइएको छ ।
चैत २२, २०८०
चैत २३, २०८०
