भदौ २२, २०७९
काठमाडौं । सरकारले निर्वाचनको सम्मुखमा एक दर्जन प्रमुख जिल्ला अधिकारी (सीडीओ)को सरुवा गरेको छ । गृह मन्त्रालयले काठमाडौं र ललितपुरलगायत महत्त्वपूर्ण जिल्लाका सीडीओहरूको सरुवा गरेको हो ।
मन्त्रालयका अनुसार ललितपुरका सिडिओ घनश्याम उपाध्याय काठमाडौंमा आएका छन् । काठमाडौंका सिडिओ गोविन्द रिजाल गृह मन्त्रालयमा तानिएका छन् ।
कास्कीका प्रमुख जिल्ला अधिकारी जयनारायण आचार्यलाई ललितपुर तानिएको छ भने मन्त्रालयको प्रशासन महाशाखा प्रमुख टेकबहादुर केसीलाई कास्कीको प्रमुख जिल्ला अधिकारीको रुपान पठाइएकफ छ ।
सरकारले निर्वाचन घोषणा भइसकेपछि कर्मचारी सरुवा गरेको भन्दै नेकपा एमालेले आपत्ति जनाएको छ । एमालेका प्रमुख सचेतक विशाल भट्टराईले बोल्दै निर्वाचन प्रभावित गर्नका लागि सरकारले कर्मचारी सरुवा गरिरहेको आरोप लगाएका हुन् ।
निर्वाचन प्रभावित गर्नेगरी आफ्ना मान्छे छानिछानी पठाउने काम गरिएको एमालेले आरोप लगाएको हो । सरकारले मंसिर ४ गतेका लागि प्रदेश सभा र प्रतिनिधिसभाको निर्वाचन मिति तोकिसकेको छ ।
भदौ २४, २०८१
बैशाख २८, २०८१
कात्तिक १४, २०८१
