बाजुरा । बाजुरामा प्रतिनिधिसभा सदस्यमा नेपाली कांग्रेसका बद्रीप्रसाद पाण्डेले अग्रता कायम गरेको छन्।उनी पाँच हजार चार सय ९१ मतसहित अग्र स्थानमा छन्। उनका निकटतम प्रतिद्वन्द्वी नेकपा (एमाले)का कर्णबहादुर थापालाई एक हजार ३५८ मतले पछि पार्दै उनी अग्रस्थानमा छन् । 

एमालेका थापाले हालसम्म  चार हजार एक सय २९ मत प्राप्त गरेका छन् ।  यहाँ कुल ६० हजार एक सय ५२ जनाले मतदान गरेका थिए । 

जिल्ला निर्वाचन कार्यालयका अनुसार प्रदेशसभा (१) मा नेकपा (एकीकृत समाजवादी) का उम्मेदवार नरेश शाहीले दुई हजार ९७ मत प्राप्त गरेका छन्। उनका निकटतम प्रतिद्वन्द्वी एमालेका बलदेव रेग्मीले नौ सय ६२ मत प्राप्त गरेका छन् । 

यस्तै प्रदेशसभा (२) मा नेपाली कांग्रसका उम्मेदवार पदम शाहीले दुई हजार तीन सय ८१ तथा उनका निकटतम प्रतिद्वन्द्वी एमालेका लालबहादुर थापाले दुई हजार चार सय ५५ मत प्राप्त गरेका छन् ।