कात्तिक २४, २०७८
विराटनगर– विराटनगर महानगरपालिकाका प्रमुख भीम पराजुलीले छठ पूजाको अवसरमा १८ औं पटक दण्डप्रणाम यात्रा सुरु गरेका छन् । यसकालागि नगरप्रमुख पराजुलीले विराटनगर–३ पोखरीया ठूलोमिल चोकमा रहेको शिव पाञ्चायन मन्दिरबाट सिंघिया खोलास्थित पूजास्थलसम्म सडकमा घस्रेर दण्डप्रणाम यात्रा गर्नेछन् । करिब तीन किलोमिटर दुरी पार गर्न लगभग चार घण्टा लाग्ने छ ।
छठ पर्वको निराहार ब्रत बसेका पराजुलीले बुधबार यात्रा सुरु गरेका हुन् । २८ वर्ष यता छठको ब्रत बस्दै आएका पराजुली प्रत्येक वर्ष छठको अवसरमा दण्डप्रणाम यात्रा गर्छन् । निर्वाचित भएपछि तीन वर्षयता नगरबासीको सुख, शान्तिको कामना गर्दै छठको कष्टपूर्ण ब्रत बसेको नगरप्रमुख भीम पराजुलीले बताए ।
हरेक वर्ष आफूले गर्दै आएको धार्मिक कार्यलाई यो वर्ष पनि निरन्तरता दिएको उनको भनाइ छ । बुधबार घाटमा पुगेर अस्ताउँदो सूर्यलाई अघ्र्य दिएपछि घाटमै जाग्राम बसी बिहीबार बिहान उदाउँदो सूर्यलाई अघ्र्य दिएर ब्रत समापन हुने उनले बताए ।
फागुन ३०, २०८०
फागुन २९, २०८०
कात्तिक १४, २०८१
