भदौ ०७, २०७९
काठमाडौं । म्याग्दीको अन्नपूर्ण गाउँपालिका–१ दोवामा बालीको मूल्य र कामदारको ज्याला निर्धारण गरिएको छ ।
वडा भेलामार्फत् खाद्यान्न बाली, तरकारी, दलहन र विभिन्न काम गर्ने कामदारको ज्याला निर्धारण गरिएको वडासचिव मनकुमार गर्बुजाले जानकारी दिए । उनका अनुसार वडा भेलाले मूल्य र ज्यालासमेत निर्धारण गरिएको छ ।
बालीको मूल्य र कामदारको ज्यालामा एकपता कायम गर्न भेलामार्फत निर्धारण गरिएको हो । हरेक वर्ष गाउँका अगुवाको भेला गरेर मूल्य र ज्याला निर्धारण गर्ने गरिएको छ ।
केको मूल्य कति ?
कोदो दुई सय ५०, मकै एक सय ७०, फापर तीन सय, सिमी तथा अन्य गेडागुडी सात सय, भटमास ६ सय, आलु एक सय ८० प्रतिपाथीका दरले मूल्य निर्धारण गरिएको छ ।
दूध, दही, मोही, भैँसी र गाईको घ्यू, घर–भिर मह, रक्सी र जाँडको पनि मूल्य तोकिएको छ । यसैगरी बाउसे, दाउरा काट्ने र बोक्नेलाई सात सय, डकर्मी सात सय ५०, सिकर्मी नौ सय, गो हलीसहित सबै एक हजार ५००, प्लास्टर तथा ढलान आठ सय प्रतिव्यक्ति, प्रतिदिन खाजासहितको ज्याला कायम गरिएको छ ।
यसैगरी मेसिनमार्फत् दाउरा र घाँस काट्ने सात सय, मिनीट्रिलरमार्फत खेत जोत्ने सात सय ५० प्रतिघण्टा, मेसिनमार्फत काठ काटेको १८, जङ्गे आरामार्फत ६ फुटसम्म काठ काटेको २१ र ६ फुटभन्दा बढी काठ काटेको प्रतिइन्च २४ मूल्य तोकिएको वडा कार्यालयले सोमबार सार्वजनिक गरेको विवरणमा उल्लेख छ ।
करिब तीन सय घरधुरीको बसोबास रहेको दोवामा हरेक वर्ष गाउँसभा बस्ने गर्छ । महिला र पुषलाई विभेद नगरी ज्याला निर्धारण गरिएको वडाध्यक्ष दिलीप गर्बुजाले बताए ।
फागुन ३०, २०८०
फागुन २९, २०८०
कात्तिक १४, २०८१
