असोज १५, २०७९
नवलपरासी । सुस्ता गाउँपालिकाका अध्यक्ष टेकनारायण उपाध्यायले भारतसँग सिमाना जोडिएको पालिका भएकाले आफ्नो पालिकामा सीमा सुरक्षाका लागि सुरक्षा निकायसँग समन्वय गरेर अघि बढेको बताएका छन् ।
सुस्ताका धेरै जग्गा ०३४ सालमा भारतले अतिक्रमण गरेको बताउँदै उनले सुरक्षा निकायलाई बलियो बनाएर जग्गाको संरक्षण गर्दै आएको बताए । ‘भारतसँग सिमाना जोडिएकाले हामीसँग सीमा सुरक्षाबारे थप जिम्मेवारी छ,’उनले भने ।
सुस्ता भारतले सबैभन्दा बढी सीमा मिचेको स्थान हो ।
फरक प्रसंगमा उनले पशुलाई सुत्केरी भत्ताको व्यवस्था र पशुहरूको पौष्टिक आहार र गोठ सुधार कार्यक्रमका लागि रकमको व्यवस्था गरेको बताए ।
सय दिनको कामलाई उपलब्धिका रूपमा लिएको बताउँदै उनले सिँचाइ र स्वास्थ्यमा पनि परिवर्तन गर्ने योजना अघि सारेको जानकारी दिए । आफूले जनताको आँखामा छारो हाल्ने गरी भन्दा पनि आमूल परिवर्तन गर्नेगरी काम अघि बढाएको उनले बताए ।
‘सरकारले दिएको बाहेक अरु औषधिका लागि आवश्यक बजेट विनियोज गरेका छौँ । कृषिका लागि माटो परीक्षण गर्नेछौँ । पशु व्यवसायको उत्थानका लागि आवश्यक बजेट विनियोजन गरेका छौँ । विज्ञहरूसँग आवश्यक सल्लाह गरी खरिद पक्रिया पनि सुरु हुनेछ,’ उनले भने, ‘पालिकाको मुहार फेर्नेगरी काम अघि बढ्छ ।’
बैशाख १९, २०८१
चैत ०६, २०८०
भदौ २३, २०८१
भदौ ०९, २०८१
भदौ ०९, २०८१
