चैत १९, २०८०
फागुन १०, २०८०
तनहुँ– जग्गाको समस्या भोगिरहेको बेलामा बन्दिपुर गाउँपालिकाले एक करोड रुपैँया बराबरको मुल्याङ्कनको जग्गा निःशुल्क पाएको छ । पर्यटन व्यवसायी तथा समाजसेवी सन्तकुमार श्रेष्ठले गाउँपालिकालाई एक करोड रुपैँया बराबरको जग्गा निःशुल्क उपलब्ध गराएका हुन् ।
व्यवसायी श्रेष्ठले बिहिबार गाउँपालिकालाई एक रोपनी जग्गा निःशुल्क उपलब्ध गराएको गाउँपालिकाका अध्यक्ष सुरेन्द्र बहादुर थापाले जानकारी दिए । उनका अनुसार बन्दिपुर साँस्कृतिक केन्द्र भवनका निर्माणका लागि जग्गा प्राप्ति भएको हो ।
केन्द्रीय सरकारको विशेष अनुदानमार्फत बहुवर्षीय योजनाका रुपमा सो भवन निर्माण गर्न लागिएको उनले बताए । यसका लागि पालिकासँग उपयुक्त जग्गा नहुँदा समस्या भएपछि गाउँपालिकाले निःशुल्क जग्गा माग गरेको थियो ।
सो अनुसार व्यवसायी श्रेष्ठले जग्गा उपलब्ध गराउँदा काम थालनी गर्न सहज भएको बताउँदै अब छिट्टै टेण्डर प्रकृयामा जाने उनले बताए । चालु आर्थिक वर्षमा गाउँपालिकामा सो केन्द्र सञ्चालनको लागि ५० लाख रुपैयाँ बजेट विनियोजन भएको उनले बताए ।
बहुवर्षे योजनाको रुपमा करिब डेढ करोड लागतमा सो भवन निर्माण गरिने उनले बताए । सो भवनमा गाउँपालिकाभित्रका कला संस्कृति देखाउनुका साथै सङ्ग्राहलय समेत निर्माण हुने उनले बताए । उनले पालिकाखबरसँग भने, ‘बन्दिपुर साँस्कृतिक केन्द्रको निकै नै राम्रो भवन बन्ने छ ।’
कात्तिक १४, २०८१
