फागुन ११, २०८०
मोरङ - केराबारी गाउँपालिकाले योजना सञ्चालनसम्बन्धी उपभोक्ता समितिलाई अभिमुखिकरण गर्दै आएको छ । गाउँपालिकाले पालिकाभित्रका सबै वडामा सो कार्यक्रम सञ्चालन गर्दै आएको हो ।
गाउँपालिकाले बुधबारदेखि उपभोक्ता समितिलाई अभिमुखीकरण गर्दै आएको पालिकाको वडा नम्बर १० का वडा सचिव अरुण खतिवडाले बताए । उनका अनुसार गाउँपालिकाले हालसम्म वडा नम्बर ३, ५ र १० का उपभोक्ता समितिको पदाधिकारीलाई अभिमुखीकरण गरेको छ ।
गाउँपालिकाको आयोजना तथा वडा सरकारको समन्वयमा सो कार्यक्रम सञ्चालन हुँदै आएको उनले बताए । वडा नम्बर १० मा शुक्रबार भएको अभिमुखीकरण कार्यक्रममा २५ देखि ३० जना पदाधिकारीको सहभागिता रहेको उनको भनाइ छ ।
अभिमुखीकरणमा आयोजना सञ्चालन गर्नु अगाडिको तयारी, भुक्तानीमा आउन सक्ने समस्या, भुक्तानी नहुने अवस्थालगायतको बारेमा जानकारी दिने गरेको उनले बताए । साथै निर्माण कार्यको व्यवस्थापनको लागि पनि सिकाइने उनको भनाइ छ । सो अभिमुखीकरण गाउँपालिकाभित्रका १० वटै वडामा सञ्चालन हुने गाउँपालिकाले जनाएको छ ।
चैत २२, २०८०
फागुन ०८, २०८०
माघ १२, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
