चैत २३, २०८०
कात्तिक ११, २०७८
काठमाडौं– सिद्धार्थ वनस्थली इन्स्च्युट (स्कुल) ले आफ्ना संस्थापक प्राचार्य लक्ष्मण राजवंशीले शिक्षा क्षेत्रमा पुर्याएको योगदानलाई आगामी दिनमा पनि निरन्तरता दिने बताएकाे छ ।
संविधानसभा सदस्यसमेत रहेका साहित्यकार एबं शिक्षाविद् राजवंशीको निधिन भएको अर्धवार्षिकीमा बुधबार स्कुलमा आयोजना गरिएको श्रद्धाञ्जली सभामा प्राचार्य एवं छोरा रुपक राजवंशीले आफ्ना बुबाले देखाएको बाटोलाई अघि बढाउने प्रतिबद्धता जनाए ।
सिद्धार्थ वनस्थली स्कुल लक्ष्मण राजवंशीको एक मौलिक कृति भएको स्मरण गर्दै प्राचार्य राजवंशीले स्कुलका सम्पूर्ण शिक्षक तथा कर्मचारीको सामुहिक प्रयासले मात्र यसको साख र गरिमालाई उँचो बनाएको बताए ।
आगामी दिनमा सबैको सामूकिह प्रयासबाट विद्यालयलाई थप उचाइमा पु¥याउने दायित्व आफुमा आएको बताए । ‘विद्यालयलाई थप उचाइ दिए मात्र उहाँका जिवनकालका अनेक कामहरु चिर स्मरणीय हुनेछन्,’ उनले भने ।
संस्थापक राजवंशीले ६० जना विद्यार्थी भर्ना गरेर शिक्षा सेवा थालेका थिए । उनकै जीवनकालमा सो विद्यालयमा ५ हजार ४ सयभन्दा बढी विद्यार्थीले अध्ययन गरेका थिए ।
घरको भर्याङबाट लडेर घाइते भएका राजवंशीको ८६ वर्षको उमेरमा वैशाख १० गते नर्भिक अस्पतालमा उपचारका क्रममा निधन भएको थियो । नेपाः राष्ट्रिय पार्टीको तर्फबाट दोश्रो संविधानसभाको सदस्य बनेका राजवंशीले सभामुख र उपसभामुखले राजीनमा दिएपछि जेष्ठ सदस्यका हैसियतमा बैठकको अध्यक्षता पनि गरेका थिए ।
नेपाल भाषाका प्रसिद्ध कथाकार तथा निबन्धकार, साहित्यकार, लेखक, विगतमा नेपाल भाषा एकेडेमी उपकुलपति, शिक्षाबिद, शिक्षाप्रेमी तथा समाजसेवी, २०४६ सालमा शिक्षामन्त्रीको सल्लाहकार भएका थिए ।
५२ वर्ष शिक्षण पेसमा संलग्न उनका २८ वटा पुस्तक प्रकाशित, २ वटा पुस्तक प्रकाशोन्मुख छन् । कोरोना भाइरसको संक्रमणका कारण बल्ल विद्यालय सुचारु भएपछि कार्यक्रम गरिएको हो ।
जेठ २४, २०८१
जेठ २१, २०८१
