भदौ २७, २०८१
फागुन १३, २०८०
कालिकोट– सान्नी त्रिवेणी गाउँपालिकाले दिवा खाजामा स्थानीय उत्पादनको सदुपयोग गर्न थालेको छ । विद्यार्थीहरुको स्वास्थ्य र कोदो, मकै, फापर, आदिको बजारीकरणका लागि दिवा खाजामा स्थानीय उत्पादन प्रयोग गरिएको गाउँपालिकाले जनाएको छ ।
गाउँपालिकामा रहेका ३० वटा सामुदायिक विद्यालयमा हरेक बार फरक–फरक परिकारको रुटिन बनाइ कार्यान्वयन गर्न सबै विद्यालयलाई निर्देशन दिएको थियो । विद्यालयमा रुटिनअनुसार नचलेपनि आफ्नो तरिकाले खाजा खुवाउने गरेको शिक्षा शाखाका प्रमुख मोहनबिर धामीले बताए ।
विद्यार्थीलाई स्थानीय उत्पादनबाट खिर, लिटो, फलफुल, दातभात, रोटीलगायत ६ दिनसम्म मिलाएर खाजा खुवाउने गरेको उनले सुनाए । सामुदायि विद्यालयमा अध्ययनरत ६ हजार विद्यार्थी भएपनि ३ हजार विद्यार्थीलाई रैथाने बालीको खाजा गराएको शिक्षा अधिकृत धामीले पालिकाखबरलाई जानकारी दिए ।
दिवा खाजा शिशुदेखि कक्षा ५ सम्म मात्र उपलब्ध गराएको छ । ‘विद्यालयले खाजाका लागि स्थानीयलाई सूचना जारी गर्छ । त्यसमा जस्ले खाजाको परिकार धेरै बनाउन सक्छ उसैलाई खाजा पकाउन छनौट गरिन्छ उनले सुनाए । शर्सतअनुदानबाट एक करोड ३३ लाख वजेट विनियोजन गरेको छ ।
कात्तिक १४, २०८१
