फागुन ०२, २०८०
असोज ०७, २०७९
काठमाडौं । दशैँको मौका पारेर चलचित्र सँघार प्रदेश-१ का विभिन्न स्थानमा प्रदर्शनमा आउने भएको छ ।
लेखक तथा साहित्यकार प्रयास दुमीनिर्देशित सँघार दशैं र तिहारलाई लक्षित गरी प्रदर्शन गर्न लागिएको हो । यस चलचित्रमा सँघारमा च्यापिएका भुईं मान्छेहरूको कथा समेटिएको निर्देशक दुमीले बताए ।
खोटाङको ऐँसेलुखर्क गाउँपालिकाको माक्पा, नोरूङ, जलेस्वरी लगायत आसपासका विद्यालयमा, खोटाङकै जन्तेढुंगा गाउँपालिकामा प्रदर्शन गरिने निर्देशक दुमीले बताए । उदयपुरको चौदण्डीगढी नगरपालिका, बेल्टार बसाहा र भोजपुरको अन्नपूर्ण पानधारे दावा, भोजपुर पाङ्खाङ, चखेवा लगायतका स्थानहरुमा प्रदर्शन गरिने उनको भनाइ छ ।
चलचित्रमा अस्मिता राई, प्रयास दुमी राई, अरुण राई, सुश्मा राई, दुर्गा वान्तावा राई, मनोज राई, अनिशा चाम्लिङ, विवेक दुमी राई, सम्झना राई, उदिप राई, पेशल राई, पबिनाराईलगायतको अभिनय रहेको छ ।
कात्तिक १४, २०८१
