ललितपुर– कोरोना संक्रमितको घरमै पुगेर स्वास्थ्यलाभको कामना गर्दै औषधि बाँढिरहेका ललितपुर महानगरपालिकाका प्रमुख चिरिबाबु महर्जन आफै कोरोना संक्रमित बनेका छन् । 

स्वास्थ्यमा सामान्य समस्या देखिएपछि परीक्षण गराएका महर्जनमा आज कोरोना संक्रमण भएको पुष्टि भएको महानगरपालिकाले जनाएको छ । 

संक्रमण हुनुअघि उनी नगरका विभिन्न स्थानमा होम आइसोलेसनमा बसेका संक्रमितलाई भेटेर स्वास्थ्यलाभको कामना गरिरहेका थिए । 

संक्रमण पुष्टि भएपछि उनी हाल बखुण्डोलस्थित आफ्नै घरमा आसोलेसनमा बसेका छन् । यसअघि काठमाडौं महानगरपालिकाका प्रमुख विद्यासुन्दर शाक्यलाई पनि कोरोना संक्रमण भएको थियो । उनी निको भइसकेका छन् ।