हुम्ला– जिल्ला अस्पताल हुम्लाका एक जना स्वास्थ्यकर्मीमा कोरोना संक्रमण पुष्टि भएपछि जिल्ला अस्पताल हुम्लाले अनिश्चितकालका लागी सेवा बन्द गरेको छ ।

२ कात्तिकमा स्वास्थ्यकर्मी, सुरक्षाकर्मीको गरी १७ जनाको स्वाव संकलन गरी कोरोना परीक्षणका लागीसुर्खेत पठाएकोमा मंगलबार दुई जनामा कोरोना संक्रमण पोजेटिभ देखाएको छ ।

एक जना महिला स्वास्थ्यकर्मीमा ४ कात्तिकमा कोरोना पोजेटिभ देखिएपछि इमरजेन्सी र प्रसुति सेवाबाहेक अन्य सेवाहरु बन्द गर्दै अस्पताल सिल गरिएको जिल्ला अस्पतालका निमित्त कार्यालय प्रमुख सरिता बोहराले जानकारी दिइन् ।

हुम्लामा पहिलो पटक जिल्ला अस्पतालका एक जना अनमी महिला स्वास्थ्यकर्मीमा कोरोना संक्रमण पोजेटिभ देखिएको हो ।