असोज १८, २०७७
काठमाडौं- राष्ट्रिय भिटामिन ए कार्यक्रम आउँदो मंसिरमा सञ्चालन हुने भएको छ ।
यसअघि कात्तिकमै भिटामिन ए र जुकाको औषधी खुवाउने गरिए पनि यस पटक कोरोना भाइरसको जोखिमका कारण पछाडि धकेलिएको हो ।
परिवार कल्याण महाशाखाका निर्देशक डा. भीमसिं तिंकरीले मंसिर ११ र १२ गते भिटामिन ए र जुकाको औषधी खुवाउने कार्यक्रम तय भएको जानकारी दिए ।
सरकारले हरेक वर्ष वैशाख र कात्तिकमा पाँच वर्षसम्मका बालबालिकालाई भिटामिन र जुकाको औषधी खुवाउने अभियान चलाउँदै आएको छ । तर, यस पटक कोरोनाको जोखिमका कारण वैशाख महिनामा कार्यक्रम हुन सकेन ।
एक महिना ढिलो गरी अभियान भएकाले अहिले पनि एक महिना पछि सरेको महाशाखाका निर्देशक डा. तिंकरीले बताए ।
६ महिनाको अन्तरमा जन्मेका ६ महिनादेखि पाँच वर्षसम्मका बालबालिकालाई भिटामिन ए र एक वर्षदेखि पाँच वर्षसम्मका बालबालिकालाई जुकाको औषधी खुवाउनुपर्ने डा. तिंकरीको भनाइ छ ।
बालबालिकालाई भिटामिन ए र जुकाको औषधीसँगै बालभिटा र पाखुराको नापसमेत लिइनेछ ।
चैत १२, २०८०
फागुन २९, २०८०
फागुन २८, २०८०
बैशाख २९, २०८१
बैशाख २४, २०८१
बैशाख १९, २०८१
बैशाख १९, २०८१
