मंसिर १७, २०७७
डडेल्धुरा– ग्रामीण बस्तीमा सहजै औषधी उपलब्ध गराउने उद्देश्यले डडेल्धुराका तीन पालिकाले स्वास्थ्य संस्थामा सुपथ मूल्य फार्मेसी सञ्चालन गरेका छन् ।
अजयमेरु गाउँपालिका वडा–३ को भद्रपुर स्वास्थ्य चौकीमा, भागेश्वर गाउँपालिका वडा–१ को आधारभूत स्वास्थ्य केन्द्र पनिउट, वडा– २ को रुपाल स्वास्थ्य चौकी रुपाल र ३ को भागेश्वर स्वास्थ्य चौकी बोगटामा फार्मेसी सञ्चालन गरिएका हुन् ।
‘अब वडा–४ र ५ मा पनि फार्मेसी सञ्चालनको तयारी गर्दै छौं’, गाउँपालिका अध्यक्ष कौशिला भट्टले भनिन्, ‘यसबाट स्थानीयले लाभ लिन सक्नेछन् ।’ गन्यापधुरा गाउँपालिका मुकाम गणेशपुरको गणेशपुर स्वास्थ्य चौकीमा सुपथ मूल्य फार्मेसी सञ्चालनमा ल्याइएको हो ।
विशेषगरी दीर्घ रोगी तथा नियमित औषधी सेवन गर्नेहरूलाई लक्षित गरेर फार्मेसी स्थापना गरिएको हो । ‘फार्मेसीमा तोकिएअनुसारको मूल्यभन्दा सस्तोमा औषधी बिक्री गर्न थालिएपछि बिरामीले सुविधा पाएका छन् ।
फार्मेसी सञ्चालनमा आइसकेपछि गाउँलेहरूलाई औषधी किन्न गाडी चढेरै सदरमुकाम जानुपर्ने बाध्यता हटेको छ । यसअघि औषधी किन्न मात्रै स्थानीयले गाडी भाडा र खानानास्ता गरी एक हजार रुपैयाँ खर्चिनुपर्ने बाध्यता थियो ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
