माघ १५, २०७७
गैंडाकोट- नवलपुरको चोरमारामा रहेको चोरमारा प्राथमिक स्वास्थ्य केन्द्रले ४६ लाख रुपैयाँ पर्ने अत्याधुनिक डिजिटल एक्सरे मेसिन र डिजिटल युएसजी पाएको छ । १५ शय्या क्षमताको यो स्वास्थ्य केन्द्रमा यसअघि एक्सरे मेसिन थिएन ।
नवलपुरको गैंडाकोट नगरपालिकामा रहेको किसान बचत तथा ऋण सहकारी संस्था र यहाँको लायन्स क्लबका विभिन्न शाखाले चोरमारा प्राथमिक स्वास्थ्य चौकीलाई संयुक्त रूपमा एक्सरे मेसिन हस्तान्तरण गरेका हुन् ।
उनीहरूले स्वास्थ्य केन्द्रको हातामा रहेको सभाहलमा स्वास्थ्य केन्द्रलाई एक्सरे मेसिन हतान्तरण गरे । सो अवसरमा दाताका तर्फबाट किसान बचत तथा ऋण सहकारीका अध्यक्ष श्रीहरि चालिसे र लायन्स क्लबका गणेश सुवेदीलगायतको सहभागिता थियो ।
कार्यक्रममा एमजेएफ लायन राजकुमार श्रेष्ठले सम्झौतापत्रमा हस्ताक्षर गरेर मेसिन हस्तान्तरण गरे । स्वास्थ्य चौकीका अध्यक्ष अमृतप्रसाद ज्ञवाली र नगरप्रमुख चन्द्रबहादुर रानालगायतको उपस्थिति थियो ।
कार्यक्रममा एमजेएफ लायन श्रेष्ठले अत्याधुनिक डिजिटल एक्सरे मेसिन र डिजिटल युएसजी मेसिनको उद्घाटन गरे ।
किसान बचत तथा ऋण सहकारी संस्थाका अध्यक्ष चालिसेको अध्यक्षतामा भएको सामग्री हस्तान्तरण कार्यक्रमको सञ्चालन सचिव अनिल सापकोटाले गरेका थिए । मेसिन हस्तान्तरण अवसरमा किसान साकोस, लायन्स क्लब र स्वास्थ्य केन्द्रका सदस्यको सहभागिता थियो ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
